काठमाडौँ। बलिउड अभिनेत्री आलिया भट्टले बोटक्स र कस्मेटिक सर्जरीलाई लिएर आफ्नो मौनता तोडेकी छन्।
हालै सामाजिक सञ्जाल र मिडियामा आलियाले सर्जरी गरेपछि अनुहार बिग्रेको दाबी गर्दै ट्रोल गरिएको थियो। यी रिपोर्टलाई खारेज गर्दै, अभिनेत्री आलियाले आफूविरुद्ध नकारात्मक टिप्पणी गर्ने सबैलाई कडा शब्दमा निन्दा गरेकी छन्।
आलियाले आफ्नो इन्स्टाग्राम स्टोरीमा लामो बयान पोस्ट गर्दै आफूले बोटोक्स गराएको दाबीलाई झुटो बताइन्। उनले कस्मेटिक सर्जरी गराइरहेको अफवाहलाई बेकार, हास्यास्पद र हानिकारक भएको बताइन्।
आलियाले भनिन्, “कसैले आफ्नो शरीरमा कस्मेटिक रूपमा केही गर्न चाहन्छ भने यो उनको रोजाइ हो। तर, यो हास्यास्पद छ कि केहि अनियमित भिडियोहरूमा दाबी गरिएको छ कि मैले बोटोक्स गराएको जुन खराब भयो।”
उनले थपिन्, “म बाङ्गो अनुहारले मुस्कुराउँछु र अनौठो ढंगले बोल्छु। अहिले तिमी ‘वैज्ञानिक’ स्पष्टीकरण दिइरहेका छौ, म आफूलाई पक्षघात भएको दाबी गर्दैछु, के यो ठट्टा हो?”
आलियाले भनिन्, “कुनै प्रमाण, पुष्टि र समर्थन बिना नै मेरो बारेमा गम्भीर दाबी गरिँदै आएको छ। सबैभन्दा नराम्रो कुरा भनेको युवा, संवेदनशील दिमागलाई प्रभावित गरिनु हो, जसले यस्ता दाबिलाई विश्वास गर्न सक्छ। किन यस्तो भनिन्छ? ध्यान आकर्षित गर्न?”
साथै, आलियाले महिलाको अनुहार, शरीर र व्यक्तिगत जीवनलाई इन्टरनेटमा वस्तु जस्तो हेर्ने आरोप लगाएकी छन्। उनले हरेकले आफ्नो व्यक्तित्वप्रति गर्व गर्नुपर्ने बताउँदै यसलाई चिरफार गरेर हेर्न आवश्यक नभएको बताइन्।
