गर्मी सिजन लागेसँगै तरबुजाको सम्झना पनि आइहाल्छ । बच्चादेखि वृद्धसम्मले निकै रूचीका साथ तरबुजा खान्छन् । तरबुजाको सेवनले शरीरलाई शितल बनाउनुको साथै ताजा र फुर्तिलो पनि बनाउँछ ।
हामी तरबुजा खान्छौँ र बियाँ फाल्छौँ । तर तरबुजाको बियाँ स्वास्थ्यका लागि धेरै लाभदायक हुन्छ । तरबुजाको बियाँ खानको लागि बियाँ निकालेर यसलाई भुटेर डिब्बामा राखी बिहानको नास्तासँग खान सकिन्छ ।
तरबुजाको बियाँ सेवन गर्नुका फाइदाहरू –
– तरबुजाको बियाँमा आइरन, म्याग्नेशियम, जिंकका साथै स्वस्थ फ्याट हुन्छ । यी सबै पोषक तत्वले शरीरलाई निकै फाइदा गर्छ ।
– नियमित तरबुजाको बियाँ सेवन गर्दा वजन घटाउन मद्दत गर्छ ।
– तरबुजाको बियाँले ब्लड शुगर लेभल र इन्सुलिन रेजिस्टेन्स घटाउन सहयोग गर्छ ।
– म्याग्नेशियम, एन्टीअक्सिडेन्ट्स र जिंकजस्ता पोषक तत्वले भरिपूर्ण तरबुजाको बियाँले शरीरको छालाका लागि निकै राम्रो हुन्छ ।
साभार ः ‘विश्वका उत्कृष्ट प्रेरक प्रसङ्गहरु’ पुस्तकबाट
