काठमाडौं । अभिनेत्री ज्याकलिन फर्नान्डिजले २३ डिसेम्बरदेखि बहराइन भ्रमणको अनुमति मागेकी छिन् । दिल्लीको एक अदालतले ईडीलाई यसबारे विस्तृत जवाफ दिन भनेको छ।
पटियाला हाउस कोर्टका विशेष न्यायाधीश शैलेन्द्र मलिकले ईडीसँग जवाफ मागेका छन् र सुनुवाईको लागि डिसेम्बर २२ तोकेका छन्।
३७ वर्षीया अभिनेत्री ज्याकलिनविरुद्ध सम्पत्ति शुद्धीकरण मुद्दामा प्रवर्तन निर्देशनालयले अनुसन्धान गरिरहेको छ । यो निकायले आर्थिक अपराधको अनुसन्धान गर्छ।
ईडीले ज्याकलिनसँग पटक पटक सोधपुछ गरिसकेको छ । ज्याकलिनमाथि आर्थिक अनियमितताको आरोप लागेको छ । उनीमाथि सुकेश चन्द्रशेखरबाट महँगो उपहार लिएको र मनी लान्ड्रिङ गरेको आरोप लागेको छ ।
