डेमोस्थनीजले गरेको सङ्घर्ष

डेमोस्थनीज प्राचीन यूनानका महानतम् वक्ताहरुमध्ये एक हुन्, जसले एथेंस र यूनानको स्वतन्त्रताको लागि आजीवन संघर्ष गरे ।
डेमोस्थनीज बाल्यकालदेखि नै भक्भकाउने बोल्ने कोसिस गर्दा उनको अनुहार विकृत हुन्थ्यो । किशोर अवस्थामा डेमोस्थनीजले आफ्नो शारीरिक दोषहरुलार्ई टाढा भगाउन कडा मेहनत गरे । आफ्नो भक्भकाउने बानी हटाउन उनले आफ्नो मुखमा रोडा ढुङ्गा भरेर बोल्ने अभ्यास गरे । बोल्दाखेरी अनुहारको विकृति भगाउन उनले ऐना हेरेर बोल्ने अभ्यास गरे । समुद्र किनारमा लहरको आवाजमा उनी जोडले बोल्थे, ताकि उनलाई सामाजिक सभाको हल्ला खल्लाको बानी परोस् । उनी एक भूमिगत गुफामा महिनौँसम्म लेखपढ गरेर बस्दथे । मानिसहरु तर्फ फर्किन इच्छा नहोस् भनेर उनी आफ्नो कपाल आधा खौरन्थे । गुफाको एकांकीपनमा टुकीको उज्यालोमा उनले आफ्नो अमर भाषण लेखे ।
डेमोस्थनीजले युवान र एथेंसको स्वतन्त्रताको लागि अथक प्रयासहरु गरे । मेसीडोनियाका सम्राटले उनलाई पक्रन आफ्ना मान्छे पठाए । डेमोस्थनीज मन्दिरमा लुकेका थिए । आर्कियास नामक अभिनेता सैनिकहरुका साथ उनलाई समात्न आए । तिनीहरु मन्दिरको पवित्रतालाई खण्डित गर्न चाहँदैनथे, त्यसैले तिनीहरुले डेमोस्थनीजसँग भने कि उनले समर्पण गरे, भने सम्राटले उनलाई माफ गरिदिनेछन् । डेमोस्थनिजले भने— आर्कियास् तेरो अभिनयले म कहिल्यै प्रभावित भइनँ र अब तँ आफ्नो कुराले मलाई प्रभावित पार्न सक्दैनस् । उनले पत्र लेख्ने बहाना गरेर आफ्नो पेनको माथिको मात्रलाइ काटे, जसमा विष भरिएको थियो । दासताको जिन्दगी जिउनुभन्दा डेमोस्थनीजले स्वतन्त्रताको मृत्यु छनौटको बाटो रोज्न बुद्धिमानी ठाने ।
साभारः ‘सफलता’ पुस्तकबाट