व्यवहारिक ज्ञान हासिल गर्न सघाउनु नै छोराछोरीको सफलता सुरुवात हुनेछ

छोराछोरीलाई पढाइको साथसाथ उनीहरुका प्रतिभालाई पनि दैनिक अभ्यासको लागि प्रोत्साहित गर्नु आमाबाबाको कर्तव्य हो किनभने उनीहरु भविष्यमा के बन्ने हो त्यो हामीलाई हैन उनीहरुलाई नै थाहा हुन्छ । उनीहरु पछि के बन्न सक्छन् भन्ने कुराको संकेत उनीहरुले अहिले देखाउने प्रतिभाले नै दिने हो । याद राख्नुस्— पढाइ साधन मात्र हो साध्य भनेको उनीहरुको खुबी नै हो । अतः आमाबाबाले छोराछोरीलाई साधनमा कैद गर्ने पाप गर्नुहुन्न । साध्यतिर पु¥याउने पुण्य गर्नु पर्दछ ।
त्यस्तै छोराछोरीलाई वास्तविक एवं व्यवहारिक जीवनसित परिचित गराउनु पनि आमाबाबुकै कर्तव्यभित्र पर्दछ । अतः उनीहरुलाई आफ्ना थाल, भाँडा आदि माझ्न सिकाउनुहोस् । आफ्नो लुगा धुन प्रेरित गर्नुहोस् । त्यस्तै टेलिफोन, बिजुलीको पैसा तिर्नेजस्ता व्यवहारिक ज्ञान हासिल गर्न पनि सघाउनुहोस् ।
टी.भी. कम्युटर मोबाइलजस्ता उपकरण बच्चाको लागि थोरैभन्दा थोरै मात्र प्रयोग गर्नुपर्दछ । टिभी र कम्प्युटर १–२ घण्टाभन्दा बढी प्रयोग गर्नु हानिकारक छ भने मोबाइल उनीहरुको लागि खतरनाक छ— सकभर ल्याण्ड फोन नै प्रयोग गराउनुहोस् ।

साभारः ‘नव सफलता शास्त्र २’ पुस्तकबाट