चाणक्यका केही अमर वाणीहरु

१) जो व्यक्ति कर्मठ छ, परिश्रमी छ, उद्यमी छ, अल्छि छैन, निर्धनता उसको नजिक पर्दैन । ऊ सधैँ सुखी र प्रशन्न रहन्छ । परिश्रमबाट ऊ सुख सम्पत्ति आर्जन गर्छ ।
२) जो व्यक्ति सरल छ, जसमा कसैप्रति कुनै लगाव र दूरी छैन त्यस व्यक्तिले व्यर्थको नक्कल र तडक भडकबाट आफूलाई टाढै राख्दछ । जो चतुर र धूर्त हुन्छन्, तिनीहरु नै मधुर बोली बोल्छन्, मूर्खले बोल्दैनन् । यथार्थ बोल्ने व्यक्ति कठोर अवश्य हुन्छ तर धोखेबाज हुँदैन ।
३) जसरी चन्द्रमा रात्रीको शोभा हुन्छ, त्यसैगरी एउटै सुशील र विद्वान् पुत्रले कुल नै आनन्दित हुन्छ ।
४) सफल व्यक्ति त्यही हो जो बकुलाले झैँ आफ्ना सम्पूर्ण इन्द्रियलाई संयममा राखेर आफ्नो शिकार गर्दछ । त्यसैगरी देश, काल र आफ्नो सामथ्र्यलाई राम्ररी चिनेर आफ्ना सबै काम गर्नुपर्दछ । बकुल्लाबाट यो गुण ग्रहण गर्नुपर्छ । अर्थात् एकाग्रतापूर्वक काम गरे सफलता अवश्य मिल्छ । काम गर्दा आफ्नो सम्पूर्ण ध्यान त्यस कार्यमा लगाउनुपर्छ, अनि मात्र सफलता प्राप्त हुन्छ ।
५) दूधले शरीरमा बल बढ्छ, घिउले शक्ति वीर्य बढ्छ र मासुले मोटाई बढ्छ ।
६) जोसँग गुण छ, जोसँग धर्म छ उही जीवित छ । गुण र धर्मले विहीन व्यक्तिको जीवन निरर्थक छ । भाव यो हो कि जीवनमा सद्गुण र धर्मको महत्व छ ।
७) जो व्यक्ति विवेकशील छ, विचारपूर्वक नै कुनै काम सम्पन्न गर्दछ, त्यस्ता व्यक्तिका गुण श्रेष्ठ विचारको मिलनले अझ बढी सुन्दर बन्दछन् । जसरी सुनमा जडिएको रत्नले स्वयम् नै अत्यन्त शोभा प्राप्त गर्दछ ।
८) समर्थलाई कुनै कुरा गह्रौँ, व्यवसायीलाई कुनै ठाउँ टाढा हुँदैन, विद्वान्लाई कुनै देश परदेश हुँदैन र प्रियवादीको अप्रिय कोही हुँदैन ।
साभारः ‘महापुरुषहरुका अमर वाणी’ पुस्तकबाट