काठमाडौं । काभ्रेको बनेपामा हिमाल–तराई यातायात सेवा प्रा.लि र अरनिको यातायात सेवा प्रा.लिका कर्मचारीहरुबीच विवादको अवस्था सिर्जना भएपछि एक आपसमा झडप भएको छ । अरनिको यातायातका कर्मचारीहरुले मूल सडकमै बस तेर्स्याएर चक्काजाम गरेपछि विवादको अवस्था सिर्जना भएको थियो ।
विवादको अवस्था सिर्जना भएपछि दुई यातायात सेवाका कर्मचारीहरुबीच झडप भएको हो । उक्त विवादलाई सुल्झाउन ट्राफिक प्रहरी पुगेका थिए । तर ट्राफिक प्रहरीलाई नै नटेरी दुई पक्षबिच झडप भएको स्रोतले जनाएको छ । उक्त झडप अहिले नियन्त्रणमा आएको छ । जिल्ला प्रहरी कार्यालय काभ्रेका प्रहरी निरीक्षक राजाराम खतिवडाका अनुसार अहिले अवस्था सामान्य बनेको छ ।
अरनिको यातायातको सिन्डिकेट भएको आरोप लगाउँदै हिमाल–तराई लगायतका यातायात व्यवसायीले विरोध जनाउँदै आएपछि मंगलबार ओखलढुंगा र काठमाडौंमा विवाद भएको थियो । सोहीमा आज पनि अरनिको यातायातले बीच बाटोमै बस तेर्स्याएर चक्काजाम गर्दा अन्यले विरोध गरेका थिए । कुटाकुटको कारण पनि त्यही भएको प्रहरी निरीक्षक खतिवडाले जानकारी दिए ।
‘ उनका अनुसार चक्काजाम गर्न खोजेपनि अहिले गाडी संचालनमा आएका छन् ।
