अनुहारलाई चम्किलो र आकर्षक बनाउने सजिलो तरिका

झट्ट हेर्दा देखिने भाग भनेको अनुहार नै हो । अनुहारको सौन्दर्य नै फिका छ भने त्यसले समग्र व्यक्तित्व ओझेल बनाइदिन्छ । अहिलेको जमानामा व्यक्तित्वको पनि उत्तिकै महत्व छ । आफ्नो अनुहार स्वस्थ र आकर्षक होस् भन्ने विषयमा पुरुष भन्दा महिलाहरू बढी सचेत हुन्छन् । अनुहारलाई आकर्षक र चम्किलो बनाइराख्न उनीहरू धेरै घरेलु तथा आधुनिक तरिका पनि अपनाउने गर्छन् । आफ्नै घरवरपर पाइने विभिन्न जडीबुटी तथा फलफूललाई सौन्दर्य सामग्रीका रूपमा प्रयोग गरेर अनुहारलाई चम्किलो र आकर्षक बनाउन सकिन्छ —
– अनुहारलाई दुधको तरले सफा गर्नाले अनुहारको कालोपना हट्दछ ।
– बेसार, कागती, दही, तथा गुलाब जललाई बराबर मात्रामा मिलाई अनुहारमा लगाउनाले अनुहारमा सुन्दरता छाउँदछ ।
– दुधको तरमा कागतीको रस मिलाई अनुहारमा लगाउनाले गोरोपना बढ्दै जान्छ ।
– दही र महको मिश्रण अनुहारमा लगाउनाले सौन्दर्य बढ्दै जान्छ ।
– जौको बासी रोटीसँग दुध र मह मिलाई बिहानको समयमा अनुहारमा लगाउनाले अनुहारमा चमक छाउँदछन् ।
– मसुरको दालको पिठो ५० ग्राम जौको पीठो ५० ग्राम र घ्यू १०० ग्राम मिलाई एउटा मिश्रण तयार गरी उक्त मिश्रणलाई १० दिनसम्म अनुहारमा लगाउने गर्नाले अनुहारको सौन्दर्य बढ्दै जान्छ ।
– अनुहारमा चाया आएको छ भने काँक्रोको रसले मसाज गर्दा चाया कम हुन्छ ।
– अनुहारमा घिउकुमारीको रसले मालिस गर्दा अनुहारमा चमक आउँछ र चाउरीपना पनि हराउँछ ।