१९ औँ शताब्दीका महानतम बेलायती उपन्यासकार चाल्र्स डिकेन्सले १४ लोकप्रिय उपन्यास लेखेका छन् । डिकेन्सले धारावाहिक रुपमा पत्रिकामा उपन्यास प्रकाशित गर्ने परम्पराको शुरुवात गरे । यसले के फाइदा भयो भने पुस्तक किन्न नसक्ने व्यक्तिलाई पनि सजिलै उपलब्ध हुने भयो ।
डिकेन्सले जीवनमा धेरै दुख झेले । पारिवारिक गरिबीको कारणले उनले ४ वर्षसम्म मात्र पढ्न पाए । उनका बुवा ऋण नतिरेकाले जेलमा थिए । त्यसैले १२ वर्षीय डिकेन्सले बुट पालिसको फ्याक्ट्रिमा काम गर्नुप¥यो । फेरि उनले मुसाले भरिएका एउटा वेयरहाउसमा बोतल माथि लेबल लगाउनु प-यो । फुर्सदको समयमा पढ्ने बानीले उनलाई प्रगति गर्न प्रेरणा दियो । १५ वर्षको उमेरमा उनी एक वकिलको फर्ममा कारिन्दा बने । उनले शर्टह्याण्ड सिके किनभने उनी संसदीय रिपोर्टर बन्न चाहन्थे । फेरि आफ्नो लेखन प्रतिभालाई तिखार्न उनले मनिङ क्रोनिकलमा रिपोर्टरको काम गरे ।
आफ्नो लेखन योग्यतामा उनलाई शुरुमा ज्यादै कम विश्वास थियो । त्यसैले उनी आफ्नो पाण्डुलिपी रातमा हुलाकको डिब्बामा हाल्थे । ताकि कसैले उनको खिसी नउडाओस् । एक पछि अर्काे कहानी स्वीकार गरियो । उनको आँखाको खुशीको आँसु छचल्कियो । यही कहानीको प्रकाशनपछि मिलेको प्रशंसा र सम्मानले उनको जीवन बदलियो ।
१८३६ मा उनको पहिलो उपन्यास पिकविक पेपर्स धारावाहिक रुपमा एक पत्रिकामा प्रकाशित हुन थाल्यो । यस अमर हाँस्य उपन्यासको प्रकाशनपछि सफलताले उनको पाइला चुम्न थाल्यो । त्यसको केही समयपछि उनी बेलायतका सबैभन्दा लोकप्रिय उपन्यासकार बन्न पुगे ।
साभारः ‘सफलता’ पुस्तकबाट
