मुजफ्फराबाद– पाकिस्तान नियन्त्रित जम्मू कश्मीर (पीओजेके) मा जारी विरोध प्रदर्शनका बीच हिंसात्मक झडप हुँदा एक प्रहरी अधिकारीको मृत्यु भएको छ । उक्त हिसात्मक प्रर्दशनमा ९० जना घाइते भएको पाकिस्तानको स्थानीय पत्रिका डनले उल्लेख गरेको छ ।
मिरपुरका वरिष्ठ प्रहरी उपरीक्षक (एसएसपी) कमरान अलीले सब—इन्स्पेक्टर अदनान कुरैशीको छातीमा गोली लागेर मृत्यु भएको बताएका छन् । समाचार अनुसार उनी संयुक्त अवामी एक्शन कमिटीले मुजफ्फराबाद हुँदै कोटली र पुन्छ जिल्लाहरू जाने र्यालीलाई रोक्न अन्य प्रहरी अधिकारसँगै खटिएका थिए।
यस क्षेत्रमा जम्मु कश्मीरमा उत्पादित जलविद्युत उत्पादन लागत अनुसार बिजुलीको व्यवस्था, अनुदानमा गहुँको पीठो र उच्च वर्गको विशेषाधिकारको अन्त्यको माग गर्दै व्यापारीहरुले आन्दोलन गर्दै आएका छन् ।
डन पत्रिकाका प्रहरी अधिकारीहरूले मानिसहरूलाई शहर तर्फ जानबाट रोक्नको लागि प्रर्दशनकारीलाई थप गिरफ्तार गर्नुको साथै मुजफ्फराबाद जाने बाटोहरूमा अवरोध सृजना गरेका थिए ।
प्रहरीले प्रर्दशनलाई नियन्त्रण लिनको लागि अश्रुग्यास र हवाई फायर गर्दा कम्तीमा एक प्रहरी अधिकृत र एक बालक घाइते भएको एसएसपी यासिन बेगले बताए ।
यस्तै, रेहान गल्लीमा प्रहरी नायब उपरीक्षक इलियास जञ्जुआसहित ५९ प्रहरी अधिकारी र राजस्व विभागका दुई कर्मचारी घाइते भएको भएका छन् भने सहन्सा बरोइँमा १९ प्रहरी घाइते भएका छन् ।
जिल्ला सदरमुकाम अस्पताल कोटलीले जारी गरेको प्रेस विज्ञप्तिमा ५९ जना घाइते प्रहरीसहित नौ घाइते आन्दोलनकारीको उपचार भईरहेको बताइएको छ ।
