इलाम । राष्ट्रिय स्वतन्त्र पार्टी (रास्वपा) का उम्मेदवार मिलन लिम्बू आफ्नै वडामा कमजोर देखिएका छन् । माङ्सेबुङ गाउँपालिका वडा नम्बर-२ मा लिम्बूले केवल ९६ मत मात्रै पाएका छन् ।
यस वडामा २४४५ मत खसेकोमा लिम्बुले केवल ९६ मत पाएका हुन् ।यस वडामा एमाले उम्मेदवार सुहाङ नेम्बाङले ५८६ मत प्राप्त गरेका छन् भने कांग्रेसका डम्बर खड्काले ३५१ र पहिचानवादी उम्मेदवार डकेन्द्रसिंह लिम्बूले ३१७ मत प्राप्त गरेका छन् ।
निर्वाचन आयोगले सार्बजनिक गरेको पछिल्लो मत विवरण अनुसार सुहाङले १०हजार ४सय १९ मत प्राप्त गरेका छन् । त्यस्तै कांग्रेस उम्मेदवार खड्काले ७ हजार ६२ मत प्राप्त गरेका भने पहिचानवादी स्वतन्त्र उम्मेदवार डकेन्द्रसिंह लिम्बू ५ हजार ७ सय६१मत प्राप्त गरेका छन् । त्यस्तै रास्वपाका उम्मेदवार मिलन लिम्बू एक हजार ४ सय ५१ मत प्राप्त गरेका छन् ।
१ लाख १५ हजार ८८९ मतदाता रहेको इलाम-२ मा ६९ हजार २८७ मत खसेको थियो । जसमध्ये २४ हजार ७३८ मत गणना गरिएको छ ।
