१) ईश्वरका सबै वरदान न्यायमा अडेका छन् ।
२) आत्मा निर्मल भावले दिव्यभिप्रायको पूर्ण पोषण गरेपछि स्वर्ग जान्छ, नत्र पापहरुको मैला भारी बोकी नरक जान्छ ।
३) असत्यले दुनियाँको हृदयमा थोरै समय राज गर्न सक्ला सधैँ शासन गर्न सक्दैन ।
४) आनन्द, अलंकार र सामथ्र्यको निम्ति पढाई काम लाग्दछ ।
५) हामीले शिक्षालाई घरघरमै लगेर जीवनमा घुसाउन पर्दछ ।
६) जसले मानव जातिको कल्याण र विश्वको सत्यता धारण गर्दछ त्यसलाई धर्म भनिन्छ ।
७) धर्म नभए मानिस अन्धो हुन्छ । अनन्त भुलमुलैयामा सहारा पाउँदैन र जातिको सत्यनाश सम्भावित हुन जान्छ ।
८) वसन्तको जागरणले पूर्वजन्म सिद्ध गर्छ । निद्रा र सपनाले चिताको पार जीवनको प्रमाण दिन्छन् । प्रकृतिमा पुनरावृत्तिको चक्र चलिरहेको पाइन्छ ।
९) म भित्रबाट शून्य हुनुमा परमेश्वरको गादी थर्कन्छ । मलाई हृदयमा विश्व भत्काउने शक्ति दिएको छ । दुनियाँका धेरै सूक्ष्म कलाहरु मेरो गर्भमा नै छन् ।
१०) विकासवादी सिद्धान्त अनुसार कुनै जाति ओह्रालो लागिरहेछन्, कोही उकालो लागिरहेछन् । कसैलाई खिइनु छ, कसैलाई फुल्नु र फैलनु छ ।
साभारः ‘महापुरुषहरुका अमर वाणी’ पुस्तकबाट
