युरोपियन युनियन इयू ले रुसी तेलको मूल्य प्रतिब्यारेल ६० डलरमा सीमित गर्ने सम्झौता गरेको छ ।
कच्चा तेलको बिक्रीबाट रुसलाई हुने आम्दानी घटाउने र विश्वव्यापी रुपमा भएको मूल्यवृद्धि रोक्न इयूले यस्तो सम्झौता गरेको जनाएको हो । रुसमाथिको प्रतिबन्धलाई कायमै राख्नका लागि पनि यो सम्झौता गरिएको अन्तर्राष्ट्रिय समाचार संस्थाहरुले जनाएका छन ।
करिब १ वर्षदेखि रुसले युक्रेनमा जारी राखेको आक्रमणको विपक्षमा रहेको इयूले पटक, पटक आग्रह गर्दा पनि रुस पछि नहटेपछि कच्चा तेलको मूल्य घटाएर उसलाई दवाव दिएको इयूमा आवद्ध सदस्य राष्ट्रहरुले जनाएका छन ।
युक्रेनलाई अझै केही समय मानवीय सहायताको आवश्यक रहेकाले त्यसको परिपूर्तिका लागि पनि तेलको मूल्य घटाइएको कतिपयले विश्लेषण गरेका छन ।
इयूको सो निर्णयलाई सबै सदस्य राष्ट्रहरुले अनुमोदन गरे लगत्तै लागू हुने छ । सम्झौता लागु भएसँगै सदस्य राष्ट्रहरुले मात्र तोकिएको मूल्यमा कच्चा तेल खरिद गर्न पाउने छन ।
