पोखरा, १६ मंसिर । कोरोनाका कारण दुई वर्षदेखि रोकिएको राष्ट्रिय औद्योगिक व्यापार मेला शुक्रबारदेखि पोखरामा शुरु भएको छ । पोखरा उद्योग वाणिज्य संघले यही मंसिर १६ गतेदेखि २५ गतेसम्म उक्त मेला संचालन हुने छ । गण्डकी प्रदेशका कानून, संचार तथा प्रदेश सभा मामिला मन्त्री बिन्दुकुमार थापाले उक्त मेला शुभारम्भ गर्नुभएको हो । मेलाको उद्घाटन गर्दै मन्त्री थापाले अर्थतन्त्रलाई चलायमान बनाउन र यस क्षेत्रका उत्पादनलाई प्रवद्र्धन तथा वजारीकरण गर्न मेलाले पुलको रुपमा काम गर्ने बताउनुभयो । मन्त्री थापाले कोरोनाका कारण दुई वर्षदेखि रोकिएको मेला पुन संचालनमा आउँदा उद्योग व्यवसायीलाई केही मात्रामा राहात महशुस भएको भनाई पनि उहाँको छ ।
समृद्धि स्टिल्स् राष्ट्रिय औद्योगिक व्यापार मेला २०७९ नाम दिइएको उक्त मेलामा पोखरालगायत सम्पूर्ण राष्ट्रको औद्योगिक, हस्तकलाका उत्पादन, सूचना प्रविधि, शिक्षा, स्वास्थ्य, पर्यटनलगायत कृषिजन्य उत्पादनहरुलाई प्रवद्र्धन तथा बजारीकरणमा समेत सघाउ पु¥याउने उद्देश्यले मेलाको आयोजना गरिएको बताइएकाृे छ । लगानीको सम्वद्र्धन ः उद्योग ब्यवसायको प्रवद्र्धन भन्ने नारा अनुरुप नै यो मेला गण्डकी प्रदेशको व्यवसाय बिस्तारको संभावनाको खोजीे तथा यो प्रदेशको पर्यटकीय सम्भावना उजागर गर्ने उद्देश्य रहेको जानकारी पोखरा उद्योग वाणिज्य संघका अध्यक्ष प्रजापतिल दिए ।
पोखराको नयाँबजार स्थित प्रदर्शनी केन्द्रमा आयोजित मेला सम्पन्न गर्न नेपाल उद्योग वाणिज्य महासंघका मेलासमितिका सभापति नरेन्द्रकुमार प्रधानज्युको संयोजकत्वमा २५१ सदस्यीय मुल आयोजक र पोखरा उद्योग वाणिज्य संघका अध्यक्ष पवनकुमार प्रजापतिको अध्यक्षतामा कार्य सम्पादन समिति गठन गरिएको छ । मेलाअन्तर्गत डोमतर्फ ७८,अटोका ४५ र अन्य विभिन्न खालका १२० वटा स्टल गरी २५० स्टल रहेका छन् । मेलाको आकर्षणको रुपमा औद्योगिक तथा व्यापार मेला, हस्तकला मेला, कृषिमेला, पूष्पमेला, अटोमेला, सूचना तथा प्रविधिहरुको प्रदर्शनी, विभिन्न सरकारी तथा गैरसरकारी संघ संस्थाहरुको गतिविधिहरुको प्रदर्शनीलगायत दैनिक उपभोग्य वस्तु घरायसी सरसामान, लत्ताकपडा, श्रृंगारका सामानहरुको बिक्री वितरण रहेने सो अवसरमा वताइएको छ ।
मेलाबाट अनुमानित आम्दानी १ करोडमा अनुमानित खर्च ८५ लाख कटाउँदा १५ लाख बचत हुने अनुमान गरिएको छ । यस वर्षको मेला आयोजनाबाट बचत भएको रकम उद्यमशीलता प्रवद्र्धन गर्न तथा व्यवसायीहरुको क्षमता अभिवृद्धिको लागि खर्च गरिने जानकारी सो अवसरमा दिइएको छ ।
