मेरी रोबर्ट राइनहार्ट आफ्ना जासुसी उपन्यासका लागि प्रख्यात छिन् । उनका उपन्यासहरुमा एक बुद्धिमान नायिका अपराधका रहस्य सुल्झाउँछिन् । यो लोकप्रिय कथानकमा उनले धेरै उपन्यास लेखिन् । उनले यसबाहेक हास्य लेख र रोमान्टिक कहानी पनि लेखिन् । १९२० मा उनले जेम्स एवरी हापवुड सँग मिलेर ‘द वेष्ट’ नामक नाटक लेखिन् । सो उपन्यास राइनहार्टका उपन्यास ‘द सर्कूलर स्टेयरकेस’ मा आधारित थियो ।
साहित्यकारको लामो करियरमा उनले ५० भन्दा धेरै उपन्यास लेखे त्यो समयमा उनी अमेरिकाकै सर्वाधिक आम्दानी गर्ने लेखिका थिइन् । रोचक कुरा त यो कि उनले बाध्यतावश लेख्नलाई आफ्नो करियर बनाएकी थिइन् । उनको जीवनमा अचानक आर्थिक संकट नआएको भए शायद उनले कहिले पनि उपन्यास लेख्दिन थिइन् ।
राइनहार्ट लेखनमा रुचि त राख्थिन तर विवाहपछि उनी घर–गृहस्थीमा यति नराम्ररी अल्झिइन कि उनलाई उपन्यास लेखनबारे सोच्ने फुर्सद पनि भएन । उनी आफ्ना तीन छोराहरु र बिरामी आमाको देखभालमा नै व्यस्त रहन्थिन् । त्यसैवेला बिपत्तिले उनको दैलोमा पाइला टेक्यो । एउटा आर्थिक बिपत्तिमा उनका पतिको सारा सम्पत्ति गुम्यो र उनको परिवार ऋणमा डुब्यो । राइनहार्टको मनमा लेखेर नै परिवारको आर्थिक स्थिति सुधार्ने विचार आयो । उनले दिउँसो लेख्ने समय तालिका बनाइन् । यसबाहेक राति बच्चाहरु सुतेको बेला, पति बिरामी हेर्न गएको बेलामा पनि उनी लेख्न बस्थिन् । आफ्नो जीवनमा आइपरेका बिपत्तिका कारणले नै मेरी रोबर्ट राइनलाई यति सफल लेखिका बन्न सकिन् ।
साभार: ‘सफलता’ पुस्तकबाट
