काठमाडौं । रौतहटमा परोहा नगरपालिका ९ खापचोकस्थित ग्लोबल आईएमई बैंकको शाखा कार्यालयमा लुटपाट भएको छ । आज मोटरसाइकलमा हतियारसहित तीन जनाको सङ्ख्यामा आएका लुटेराहरूको समुहले बैंकका कर्मचारीलाई धम्की दिदैँ करिब ५२ लाख रुपैयाँ लुटपाट गरेको प्रहरीले जनाएको छ ।
प्रहरीका अनुसार बैंकका कर्मचारी नितेश साहलाई बैंकबाट बाहिर निकालेर अभियुक्तहरुले गोली प्रहार गरेका छन् । लुटेराहरुको समुहले हानेको गोलीले कान छेडेर बाहिर निस्केको जिल्ला प्रहरी कार्यालय रौतहटका प्रवक्ता तथा डीएसपी इलिजा गिरिले जानकारी दिइन् ।
उनका अनुसार घाइतेलाई उपचारका लागि वीरगन्ज पठाइएको र लुटपाटमा संलग्नलाई पक्राउ गरिएको छ । लुटपाट गरेर भागेकाहरुलाई केही समयपछि प्रहरीले नियन्त्रमा लिएको छ । प्रहरीले उनीहरुको मोटर साइकल समेत बरामद गरेको छ ।
