हाऊ द विन फ्रेन्डस एन्ड एन्फ्लुएन्स पिपुल तथा हाऊ टु स्टप वरिइङ एन्ड स्टार्ट लिविङ्ग जस्ता अमर पुस्तकहरुका लेखक डेल कारनेगीले अमेरिकामा सार्वजनिक सम्भाषण र लोक व्यवहारको कला सिकाए । सफल हुनका लागि बोल्ने कला, योग्यता वा क्षमताभन्दा बढी महत्वपूर्ण हुन्छ भन्ने कुरा कारनेगीले सावित गरे ।
डेल कारनेगीले धेरै कठिनाइको सामना गरे । उनी गाउँको एउटा गरीब परिवारमा जन्मे र बाल्यकालदेखि नै काम गर्न थाले । उनले प्रति घण्टा पाँच सेन्टको पारिश्रमिकका स्ट्रेबरी टिपे अनि पश्चिम साउथ डकोटामा अर्ना चराउने काम पनि गरे । बिहान कलेज जानुअघि उनी घरमा गाईको दुध दुहुन्थे, दाउरा चिर्थे र सुँगुरलाई दाना हाल्थे । राति आँखामा अन्धकार छाउँदासम्म उनी टुकीको उज्यालोमा पढिरहन्थे । सार्वजनिक भाषणका यी अन्तर्राष्ट्रिय विशेषज्ञले शुरुवातमा आफ्ना सहपाठिका अगाडि भाषण दिने कोशिस गर्दा ६ पटक असफल भएका थिए ।
उनी सेल्स लाइनमा लागे । पहिला उनले आर्मर एण्ड कम्पनीका लागि साबुन बेचे । त्यसपछि उनी ट्रक बेच्न थाले । पछि उनले कहानी र उपन्यास लेख्नमा धेरै वर्ष लगाए तर त्यहाँ पनि सफल भएनन् । असफलताको लहरका बाबजुद कारनेगीले हिम्मत जुटाए । उनले सार्वजनिक सम्भाषणको कोर्ष शुरु गरे जो अत्याधिक सफल भयो । केही समयपछि उनले यसै विषयमा पुस्तक लेखे जुन बेस्टसेलर बन्यो । १९५५ मा उनको मृत्यु भए पनि उनका पुस्तक र कोर्षबाट संसारभरका लाखौँ व्यक्तिहरुले लाभ उठाइरहेका छन्
साभारः ‘सफलता’ पुस्तकबाट
