थाइल्याण्डका एक नागरिकलाई राजतन्त्रको आलोचना गरेको आरोपमा बिहीबार ५० वर्षको कारागार सजाय दिइएको छ।
उत्तरी शहर चियाङ रायको एक पुनरावेदन अदालतले पूर्वप्रजातन्त्र समर्थक कार्यकर्ता ३० वर्षीय मोङ्कोल थिराकोटलाई निजी फेसबुक अकाउन्टमा पोष्ट गरेको आरोपमा ५० वर्ष लामो कारागार सजाय सुनाएको हो। मुलुकको कडा शाही अपमान कानूनअन्तर्गत दिइएको यो सबैभन्दा लामो कारागार सजाय हो।
उनलाई तल्लो आपराधिक अदालतले २८ वर्षको कारागार सजाय सुनाएको थियो। तर पुनरावेदनका क्रममा अन्य ११ मुद्दामा दोषी पाइएपछि थप सजाय सुनाइएको हो ।
‘पुनरावेदन अदालतले मोङ्कोल थिराकोटलाई उहाँको २७ फेसबुक पोस्टमा ११२ का लागि २२ वर्षको सजाय सुनाएको छ, यो प्रारम्भिक अदालतले पहिला नै फैसला गरेको २८ वर्षको सजायबाहेकको हो। उनको कुल कारागार सजाय ५० वर्षको छ’, थाई लयर्स फर ह्युमन राइट्स ९टीएलएचआर० ले विज्ञप्तिमा भनेको छ।
थाइल्याण्ड ले प्रजातन्त्र समर्थक प्रदर्शनकारीविरुद्ध विवादास्पद कानूनको प्रयोगलाई बढावा दिएपछि यो सजाय धेरै वर्षपछि आएको हो। आलोचकले योसजायलाई असहमतिलाई मौन बनाउने रणनीति भनेका छन्।
राजा महा वजिरालोङ्कोर्न र उहाँका निकट परिवारलाई आलोचनाबाट बचाउन सक्ने लेज–म्याजेस्टेलाई प्राय आपराधिक संहिताको प्रासङ्गिक खण्डपछि थाइल्याण्डमा ११२ भनिन्छ। टीएलएचआरका अनुसार यो सजाय शाही मानहानिका लागि दिइएको सबैभन्दा लामो सजाय हो। यसले सन् २०२१ मा कुनै एक महिलालाई दिइएको ४३ वर्षको कारागार सजायको पछिल्लो कीर्तिमानलाई तोडेको छ।
