बालबालिकाहरुको शारीरिक, मानसिक तथा संवेगात्मक बिकासका लागि विभिन्न पोषक तत्वका साथै उचित स्याहार सुसार हुन जरुरत हुन्छ । बच्चा दुई वर्षको भएपछि उसको हड्डी तथा मांशपेशीहरु मजबुत हुन थाल्छ र हिँड्हुल गर्न सक्छ । यसका लागि उसलाई विभिन्न पौष्टिक तत्वको जरुरत पर्छ ।
हरेक बच्चा एक वर्षमा २.५ इन्च उचाइ बढ्छ । उसको उचाई बढ्नमा हर्मोन, पोषण, ब्यायामका साथै स्वास्थ्यमा भर पर्छ । त्यसका लागि विभिन्न पौष्टिक तत्व खुवानुपर्ने हुन्छ —
– बच्चाको सम्पूर्ण विकासका लागि दूधका साथै दूधबाट बनेका परिकारहरु पनिर, मख्खन, चीज, दही जस्ता खानेकुराको जरुरत हुन्छ । दूधमा पाइने प्रोटिन तथा क्याल्सियमले बच्चाको मांशपेशी र हड्डी बलियो बनाउनुका साथै उचाइ बढ्नमा मद्दत गर्छ ।
– अण्डामा प्रशस्त मात्रामा पाइने प्रोटिन, भिटामिन बी, बी२, रिबोफ्लाबिन आदि पोषकतत्वले बच्चाको उचाई बृद्धि गर्न मद्दत गर्छ ।
– चिकनमा भरपुर मात्रामा प्रोटिन तथा चिल्लो पदार्थ पाइन्छ । जसले बच्चाको शरीरलाई बलियो बनाउन मद्दत गर्छ । यसको नियमित सेवनले बच्चालाई आवश्यक पोषक तत्व प्राप्त हुन्छ ।
– केराको नियमित सेवनले प्राकृतिक रुपमा उचाई वृद्धि गर्न सहयोग गर्छ । केरामा म्याग्नेसियम, पोटासियमका साथै क्याल्शियम जस्ता शरीरका लागि चाहिने आवश्यक पोषक तत्व पाइन्छ ।
