काठमाडौं उपत्यकाको प्रमुख समस्या खानेपानीको हो । तीन दशक लामो पर्खाइमा पनि पानी नपाउँदा काठमाडौंबासी चिन्तित बनेका छन् । सरकारले मेलम्चीको पानी ल्याउने भन्दै २ दशक बढी समय लगाएको मेलम्ची खानेपानी आयोजना ल्याएको भएपनि त्यो अस्थायी बन्दा यहाँ पानीको समस्या खड्कीएको छ ।
यो वर्ष पुष पहिलो सातासम्म पनि पानी आउन सकेको छैन् । मेलम्ची खानेपानी विकास समितिले भने माघको पहिलो सातासम्ममा पानी काठमाडौं ल्याईने बताएको छ । यतिबेला काठमाडौं बासीको दैनिकीमा ट्याङकरको पानी प्रयोग हुने गरेको छ । पिउनका लागि भने जारको पानीमा निर्भर हुनुपर्ने अवस्था काठमाडौं बासीको समस्या हो ।
वर्षायाम सकिएको तीन महिना सकिँदा पनि मेलम्चीको पानी आउने अन्योल छ । अघिल्लो वर्ष मंसिरको पहिलो सातादेखी नै पानी वितरण शुरु भएको थियो । त्यतिबेला काठमाडौंमा पानी वालछ्याल थियो । यस वर्ष भने पुष पहिलो सातासम्म पनि पानी आउने अनिश्चिताले यहाँका बासीन्दा समस्यामा छन् ।
जब जब मेलम्चीको पानीको तिव्र माग हुन्छ, त्यतिबेला मन्त्रीहरु मुहानमा पुग्छन् । पानी नआउनुको कारण पत्ता लगाउछन र छिट्टै पानी पु¥याउने आश्वासन पनि दिन्छन् । तर, मन्त्री परिवर्तन हुँदा पिच्छेको आश्वासन कहिले पनि पुत्याउने खालको रहेन । पानी ल्याउनका लागि आवश्यक पहल उनीहरुले गरेको देखिदैन् ।
काठमाडौंका कतिपय मानिसले त, ट्याङ्कर व्यवसायीसँगको मिलेमत्तोमा मन्त्रीहरुले पानी नल्याएको दाबी नै गर्न थालेका छन् । नेतृत्वकर्ताले साच्चिकै पानी ल्याउन चाहे २०७८ सालमा क्षती पुगेको मेलम्चीको मुहान दीर्घकालीन समाधान गर्नुपर्ने यहाँको स्थानीयको भनाई छ ।
यता मेलम्ची खानेपानी ल्याउनका लागि संघर्ष गरिरहेको मेलम्ची खानेपानी विकास समितिले भने २८ दिनमा पानी काठमाडौं ल्याउने बताएको छ । माघ पहिलो सातासम्म आयोजनाको मुहान सफा गर्नेगरी ठेकेदारसँग सम्झौता गरेको समितीको भनाई छ ।
२०७८ सालको वर्षायाममा पहिलो पटक ठूलो क्षति पुगेको मेलम्ची आयोजनाले सरकारलाई अलमलाएको छ । संरचना स्थायी बनाउन नसक्दा वर्षायाममा पानी नआउने र हिउँदमा पानी आउने यहाँको समस्या छ । जुन समस्या दीर्घकालीन समाधानमा सरकारले लागि ठोस योजना बनाएर कार्यान्वयन गर्न सकेका छैन ।
यसपाली भने वर्षायाममा पानी आउने मुख्य गेट गतवर्षको भन्दा धेरै पुरिएको हुँदा ठेकेदारले काम गर्न अफ्ट्यारो मानेको खानेपानी मन्त्रालयले बताएको छ । ठेकेदार कम्पनीले धरौटी रकम माग गरेर काम नगरेको र रकम उपलब्ध गराउनका लागि प्रकृया पु¥याउनुपर्ने हुँदा पानी ल्याउन अझै समय लाग्ने मन्त्रालयको भनाई छ ।
नीतिगत उल्झनका कारण ठेकेदारले काम गर्न नमान्दा काठमाडौं काकाकुल भएको छ । तर, त्यसलाई सहज बनाएर छिटो भन्दा छिटो पानी ल्याउन सरकारी निकायको चासो गएको छैन् ।
