काठमाडौँ। नेपाल सुपर लिग (एनएसएल) फुटबलमा आज काठमाडौँ रेजर्स र झापा एफसीबीच प्रतिस्पर्धा हुँदैछ ।
खेल त्रिपुरेश्वरस्थित दशरथ रंगशालामा साँझ साढे ५ बजे सुरु हुनेछ । जारी लिगमा काठमाडौँले आज तेस्रो खेल खेल्दैछ भने झापाले दोस्रो खेल खेल्न लागेको हो ।
काठमाडौँ यसअघिका दुई खेलमा अपराजित रहेको थियो । उसले पहिलो खेलमा इलामलाई हराएको थियो भने चितवनसँग बराबरी खेलेको थियो । यस्तै, झापा आफ्नो पहिलो खेलमा इलामसँग पराजित भएको थियो ।
जारी लिगमा २ खेल खेलेको काठमाडौँको ४ अंक छ । एक खेल खेलेको झापा अंकविहीन रहेको छ ।
यस्तै, शीर्षस्थानमा रहेको धनगढीको ७ अंक छ भने ललितपुर ५ अंकसहित दोस्रो स्थानमा छ ।
