जथाभावी भिपिएनको प्रयोग बाट गोप्य सूचना चोरी हुने डर !

काठमाडाैँ ।नेपालमा TIKTOK बन्द गरेपछि भर्चुवल प्राईभेट नेटवर्क (Virtual Private Network) VPN अहिले चर्चामा रहेको छ ।

विशेषगरी vpn कुनैपनि राेक लगाईएकाे प्रतिबन्धीत restricted कुराहरू प्रतिबन्ध restrictions गरिएको साइटहरू खाेलेर हेर्न सकिने नेटवर्क हाे । एकपटक तपाईंले आफ्नो माेवाइलमा वा ल्यापटप डेक्सटपमा भिपिएन सेटअप गरेपछि यस्ले काम गरिरहेको हुन्छ ।

याे विशेषगरी पछिल्लो समय युवा किशोर पुस्ताले कुलतमा फसेर अश्लील दृश्य Porn scene वा अश्लील साइट porn site हेर्न प्रयोग गर्दै आएका छन ।

साइबर सुरक्षाविज्ञ चिरञ्जीवी अधिकारीले सामाजिक सञ्जालका खाताहरू र ब्याङ्किङ सूचनाहरू चोरीको जोखिम हुने जनाएका छन ।हाम्रोमा टिकटक बन्द भयो भन्नेबित्तिकै अब ह्याकरहरूले भीपीएनको प्रयोग गरेर टिकटक चलाइरहेका हुन्छन् भन्ने थाहा भइसक्यो,” साइबर सुरक्षाविज्ञ चिरञ्जीवी अधिकारी भन्छन्, “अब उनीहरूले इन्क्रिप्ट गरेर विभिन्न माध्यमबाट माल्वेअरहरू पठाउँछन् र त्यसलाई क्लिक गर्नेबित्तिकै हाम्रोबाट सूचनाहरू चोरी हुन्छ।”
“कतिपय कुरामा ‘प्यासिभ अट्याक’ हुन्छ।

त्यो भनेको सूचनाहरू चोरी भइरहन्छ र पछि एकैचोटि आक्रमण हुन्छ। कतिपय चाहिँ ‘एक्टिभ अट्याक’ हुन्छ। त्यो भनेको टिकटक चलाइरहेको समयमा कम्युनिटी गाइडलाइन्स भएन भन्ने खालका सन्देश पठाएर फेरि भेरिफिकेशन गर्न भनेर आउँछ र त्यसले हाम्रो अकाउन्ट ह्याक गरिदिन्छ।”

साइबर सुरक्षाविज्ञ चिरञ्जीवी अधिकारीले साधारणतया भीपीएन सुरक्षित नभएकाे तर सित्तैमा प्रयोग गर्न मिल्नेको तुलनामा पैसा तिरेर प्रयोग गर्न मिल्ने भीपीएनहरू केही सुरक्षित हुन्छन्।

पैसा नतिरी प्रयोग गर्न मिल्ने भीपीएन एपबारे सचेत रहनुपर्ने विज्ञहरूको भनाइ रहेको छ ।
VPN बाट कुनैपनि जियो-लक गरिएका सेवाहरू सजिलोसँग खुल्ने भएकोले साइबर हयाकरहरूले म्यान-इन-द-मिडल आक्रमण जस्ता प्रविधि प्रयोग गरेर तपाईंको डाटा चोरी गर्ने प्रयास गर्नेछन् ।

VPN ले डिजिटल गतिविधिमा जासुसी गर्ने गर्दछ । भिपिएन सेवा प्रदायकले तपाईंको सम्पूर्ण डेटा हेर्न सक्छ ।
Vpn सेवा प्रयोग गर्दा सावधानी अपनाउन जरुरी छ ।