पोखरा, २६ कात्तिक । नेकपा (माओवादी) केन्द्रका उपाध्यक्ष नारायणकाजी श्रेष्ठले मंसिर चार गतेको निर्वाचन लोकतान्त्रिक मोर्चा र प्रतिगमनकारी मोर्चा बिचको लडाई भएको बताउनुभएको छ । पाँच दलीय गठबन्धन चुनाव प्रचार प्रसार समिति कास्कीद्धारा शनिवार आयोजित निर्वाचन केन्द्रीत छलफल कार्यक्रममा बोल्दै नेता श्रेष्ठले मंसिर चार गते हुने प्रतिनिधि तथा प्रदेश सभा सदस्य निर्वाचन लोकतन्त्रको सामान्य प्रक्रिया जस्तो नभई संविधानको रक्षा र शान्ति प्रक्रिया टुङ्गोमा पु¥याउनका निम्ती भएकाले बताउनुभयो । १२ बुँदे सम्झौता अनुसार १२ वर्षे जनयुद्धका वेपत्ता तथा द्धन्द्ध पीडिलले अझैसम्म क्षतिपूर्ति पाउन सकेका छैनन, उनीहरुलाई सम्बोधन गर्नु छ, उहाँले भन्नुभयो–प्रतिगनम विरुद्धको संर्घष गर्न जन्मेको पाँच दलीय गठबन्धन निर्वाचन पछि पनि रहने छ ।
शान्ति, समृद्धि र लोकतन्त्रको पक्षमा पाँच दलीय गठबन्धन जन्मेको हो, सरकारमा भएकै बेला हामीले जनताका चाहना अनुसार काम गर्न नसकेका कारण प्रतिगमनकारीले टाउको उठाएका छन्, निर्वाचन पछि बन्ने पाँच दलीय गठबन्धनको सरकारले हिजोका गल्ती कमजोरीलाई सच्याउँदै अगाडि वढ्नु पर्छ ।
लोकतन्त्रको अभिन्न अंग निर्वाचन भएकाले सबै नेपाली निर्वाचनमा होमिएका छौ, उहाँले भन्नुभयो– लोकतन्त्रको रक्षा गर्दै देशमा समृद्धि ल्याउने उदेश्यका साथ हामी अगाडि वढेका छौ । विदेशमा काम गर्न गएका युवा जनशक्तिलाई नेपालमा नै ल्याएर सृजनशील काममा लगाउने दाहित्व पनि हाम्रो काँधमा रहेको भनाई नेता श्रेष्ठको छ । ंसंसद विगठन गरेर प्रतिगमन तर्फ अगाडि बढेका केपी शर्मा ओली राजसंस्था चाहिन्छ भन्ने पार्टीसँग चुनावी गठबन्धन गर्दै छन् उनले लोकतन्त्र रक्षा गर्छन भनेर नसोचेपनि हुन्छ ? नेता श्रेष्ठको प्रश्न थियो । नेपाली काँग्रेसका केन्द्रीय सदस्य नैनसिंह महरले स्थानीय निर्वाचन सफलतापूर्ण रुपमा सम्पन्न गरेको वर्तमान सरकारले प्रतिनिधि तथा प्रदेश सभा निर्वाचन पनि सफल रुपमा सम्पन्न गर्न अगाडि वढेको र पाँच दलीय गठबन्धन निर्वाचन पछिका पाँच वर्ष कायमै रहने बताउनुभयो ।
लोकतन्त्र र संविधानको रक्षा, समृद्धि र स्थिर सरकारको निम्ती पाँच दलीय गठबन्धन एउटै पार्टी जस्तै बनेकाले गठबन्धनमा आवद्ध सवै दलले आफ्ना साँझा उम्मेदवारलाई मतदान गर्न समेत महरले आग्रह गर्नुभयो । अदालतले पनि पाँच वर्षसम्म संसद विघटन गर्न नपाइने निर्णय गरिदिँदा अव विचमा संसद भङ्ग गर्ने अधिकार कसैलाई हुँदैन नेता महरले भन्नुभयो । नेकपा (एकीकृत) समाजवादी कास्कीका उपाध्यक्ष पूर्ण लामाले मंसिर ४ गतेको निर्वाचनमा अधिकांश स्थानमा गठबन्धनका उम्मेदवार विजयी हुने भएकाले देशलाई समृद्धि तर्फ कसरी अगाडि वढाउने भन्ने बारेमा सोँच्न जरुरी भएको बताउनुभयो । साथै उहाँले कास्कीमा प्रतिनिधि तथा प्रदेश सभाका नौ वटै सिट गठबन्धनका उम्मेदवार विजय हुने दावी उहाँको छ । नेपाली काँग्रेस कास्कीका कार्यवाहक सभापति रामबाबु भण्डारीको अध्यक्षतामा भएको उक्त कार्यक्रममा काँग्रेस नेता गंगाधर पराजुली लगायतले आफ्ना भनाई राखेका थिए ।
