आजकल आँखाको ज्योति कम हुने समस्याका कारण पीडित हुनेको संख्या तुलनात्मक रुपमा समस्या नहुनेको तुलनामा बढी छ । प्रौढ तथा वृद्धवृद्धा मात्र नभई आजकल बच्चाहरु पनि चश्मा लगाइरहेका भेटिन्छन् । रेडिमेड खानेकुराको बढ्दो प्रयोगका कारण पौष्टिकताको कमी हुनु अनि पूरै दिन मोबाइल वा टीभी हेर्दा आँखाको ज्योति घट्दै जान्छ ।
गाजर आँखाका लागि लाभदायक हुन्छ । आँखाले धमिलो देख्न थाल्यो भने दिनदिनै गाजरको जुस पिउनुस् । एक गिलास गाजरको जुसमा एउटा गोलभेंडाको रस मिसाएर पिउँदा धेरै लाभ प्राप्त हुन्छ । बिहानबिहानै यो मिक्स जुस पिउन थाल्नुस् । यसरी दिनदिनै गाजरको जुस पिउँदा आँखाको कमजोरी भाग्छ ।
पालुंगोको जुस पनि आँखाका लागि उत्तिकै लाभदायक हुन्छ । दिनदिनै एक गिलास पालुंगोको जुस पिउँदा भरपूर मात्रामा भिटामिन ए प्राप्त हुने हुँदा यसले आँखा बलियो हुन्छ । हरियो पात भएको साग र तरकारी आँखाका लागि लाभदायक हुन्छ । हरियो तरकारीको सुप पनि स्वास्थ्यका लागि राम्रो हुन्छ ।
