काठमाडौं । आज विश्व खाद्य दिवस,नेपालमा पनि बिविध कार्यक्रम गरी मनाइँदैछ ।
प्रत्येक वर्ष अक्टोबर १६मा यो दिवस मनाइन्छ । संयुक्त राष्ट्र सङ्घको खाद्य तथा कृषि सङ्गठनको आह्वानमा यो दिवस मनाउने गरिन्छ । उक्त सङ्गठनको स्थापना भएको दिन पारेर प्रत्येक वर्ष अक्टोबर १६मा खाद्य दिवस मनाइने गरेको हो । संघको सन् १९४५ अक्टोबर १६मा क्यानडामा स्थापना भएको र पछि सन् १९७९ नोभेम्बरको संयुक्त राष्ट्र सङ्घको २०औं साधारण सभाले सङ्गठनको स्थापना भएको दिन पारी खाद्य दिवस मनाउने प्रस्ताव पारित गरेअनुरूप सन् १९८१ देखि विविध कार्यक्रमहरूका साथ विश्वभरि यो दिवस मनाइँदै आएको छ ।
हरेक वर्षको अक्टोबर १६ को दिन विश्वभरि खाद्यान्न सङ्कट र भोकमरीको विरुद्ध एक्यवद्धभई लड्नकालागि विश्व खाद्यान्न दिवस मनाइन्छ ।सन् २०२३ को विश्व खाद्य दिवसको नारा ‘जीवन र खाद्यको आधार पानी’ हो, भन्ने रहेको छ । नेपालमा सजिलै उत्पादन हुने गेडागुडी, मासु, तरकारी र फलफूल समेत आयातको सूचीमा छन् । समृद्धिको भाषण गर्न नथाक्ने नेताहरुको प्राथमिकतामा कृषि कहिल्यै परेन । नागरिकको आधारभूत खाद्य सुरक्षाको प्रत्याभूत गर्नु लोक कल्याणकारी राज्यको दायित्व हो । नेपालको संविधानमा खाद्यसम्बन्धी हकलाई मौलिक हकको रुपमा व्यवस्था गरिएको छ ।
विश्वमा अन्नको उत्पादन, तथा विक्री–वितरण विश्वव्यापी रुपमा सामाजिक तथा आर्थिक समस्या रहदैआएको छ । खेती श्रोतको कमि र मौसम प्रकोप आदि कारणले हाल विश्वमा अन्नपातको समस्या गम्भीर रहेको देखिन्छ । मानव जातिका लागि भोक र कुपोषण समस्या पनि हुन् ।
राष्ट्र संघीय खाद्य तथा कृषि संगठनबाट प्रकाशित पछिल्लो प्रतिवेदनका अनुसार, वर्तमान विश्वव्यापी रुपमा ८० करोड जनसंख्या पोषणयुक्त खानाबाट टाढा देखिएका छन् ।
