रिस मानिसको सबैभन्दा ठुलो शत्रु हो । रिसकै कारण कैयौँ सम्बन्धहरू टुटेका छन् भने कयौँ अकल्पनीय दुर्घटनाहरु पनि घट्ने पुगेका छन् । महात्मा गान्धीले भनेका छन्, रिस एक क्षणको पागलपन हो । हुन पनि रिसले कसैलाई लाभ गर्दैन । त्यसैले रिसलाई सही समयमै नियन्त्रणमा लिन आवश्यक हुन्छ ।
रिसले स्वयम् व्यक्तिलाई मात्र नभई परिवार, साथीभाइ, आफन्त लगायत समग्र समाजलाई पनि असर गर्नुका साथै यसले व्यक्तिको स्वास्थ्यमा पनि ठुलो प्रभाव पार्दछ । रिसाउँदा शरीरमा पर्ने
केही असरहरू निम्नप्रकार छन्—
– रिसाउँदा मानिस आक्रामक बन्छ र नियन्त्रण बाहिर गए घातक हुनसक्छ ।
– रिसाउँदा मस्तिष्कमा बन्ने रासायनिक तत्वले शरीर तथा मस्तिष्कमा असर पार्दछ र मानिसमा तनाब बढाउँछ ।
– रिसाउँदा आँखा रातो हुनका साथै मुटुमा पनि जलन पैदा हुन्छ ।
– रिसले मानिसको ब्लडप्रेशर बढाउँछ
– रिसमा मानिसको संयमता नहुनेहुँदा सोच–विचारको शक्ति कमजोर हुन्छ ।
– लगातार रिसाउने मानिसको पाचन प्रणालीमा समस्या उत्पन्न हुने हुँदा एसिडिटी, कब्जियत, भोक नलाग्ने जस्ता समस्याहरु हुन्छन् ।
– रिसले मानिसमा अनिन्द्राको समस्या निम्त्याउँछ ।
– रिसाउने मानिसको आयु कम हुन्छ ।
