चिसो लागेसँगै दाँतको सुरक्षा कसरी गर्ने ?

चिसो लागेसँगै शरीरका अन्य अङ्गका साथै दाँतमा चिसो हावा पर्ने, चिसो खानेकुराको प्रयोग बढी हुने तथा शरीरको तापक्रममा पनि कमी आउँदा दाँतको दुखाइ बढी हुने गर्छ । यसको पीडाले बच्चादेखि बूढासम्मलाई सताउँछ । कहिलेकाहीँ त दाँत दुखाइको पीडा असह्य हुन्छ ।

धेरै तातो वा चिसो कुरा खाँदा, दाँतलाई राम्ररी सफा नगर्दा, क्याल्सियमको कमी हुँदा, ब्याक्टेरियाको संक्रमण हुँदा वा दाँतको जरा कमजोर हुँदा दुख्ने समस्या आइलाग्छ ।
– दाँतमा समस्या हुने मानिसले धेरै साह्रो खानेकुरा सेवन नगर्दा राम्रो हुन्छ ।
– खराब किसिमबाट ब्रस गर्ने, खैनी, पान, पराग, सुपारी, चुरोट सेवन गर्दा दाँतमा समस्या हुन्छ ।
– सामान्य दुखाइमा साधारण नुनपानीले मुख कुल्ला गर्दा पनि स्वास्थ्य रहन सकिन्छ ।
– खाना खाइसकेपछि चिसोले गर्दा ब्रस गर्न सकिँदैन भने राम्रोसँग मुख कुल्ला गर्नु उत्तम हुन्छ ।