काठमाडौँ । आर्सनलले म्यानचेस्टर सिटीलाई पेनाल्टी सुटआउटमा पराजित गर्दै यस वर्षको कम्युनिटी शिल्ड जितेको छ ।
आर्सनलले म्यानचेस्टर सिटीलाई पेनाल्टी सुट आउटमा ४-१ गोल अन्तरले पराजित गरेको हो ।
निर्धारित ९० मिनेटको खेलमा दुवै क्लबले १-१ गोल गरेपछि खेलको निर्णय पेनाल्टी सुटआउटबाट भएको हो ।
१-० ले पछि परेको आर्सनलले खेलको ९० मिनेटपछिको इन्जुरी समयमा गोल गर्दै खेल बराबरी गरेर खेलमा फर्किएको थियो ।
आर्सनलका लागि लीनड्रो ट्रोसार्डले गोल गरेका थिए । यसअघि सिटीका लागि खेलको ७७औं मिनेटमा कोल पाल्मरले गोल गरेका थिए ।
योसँगै आर्सनलले आफ्नो १७औं कम्युनिटी शिल्ड जितेको छ । यसअघि आर्सनलले २०२० मा पछिल्लो पटक यो उपाधि जितेको थियो ।
कम्युनिटी शिल्ड सबैभन्दा बढी पटक जित्ने क्लब भने म्यानचेस्टर युनाइटेडको युनाइटेडले २१ पटक यो उपाधि जितेको छ । त्यस्तै सिटीले यो उपाधि ६ पटक जितेको छ ।
