काठमाडौं । आर्थिक उथलपुथलको स्थितितर्फ संकेत गरेको बेलायतमा ताजा तरकारी र माछा पाउन मुस्किल बनेको छ । प्याकेज गरिएको पिज्जा र मासु मात्रै सामान्य परिकारका रुपमा पाउन थालेको छ ।
उपभोक्ता तथ्याङ्क र बेलायतमा पोषणको कमीलाई लिएर चिन्तित विज्ञका अनुसार त्यहाँका कयौं घरपरिवारहरू बढ्दो मुद्रास्फीतिका कारण स्वस्थ खानाबाट टाढिएर सस्तो प्रशोधित खानातर्फ सरेका छन् ।
रोयटर्सले प्रकाशित गरेको एक रिपोर्टले कयौं बेलायती परिवारहरु ताजा खानाबाट विस्थापित भएर प्याकिङ भएर आउने खाना किन्न थालेको रिपोर्टमा उल्लेख गरिएको छ ।
भाडा, बिजुली र ग्यासको बढ्दो मूल्यले सस्तो खाना किन्नतर्फ आम नागरिक धकेलिएका छन् । आधिकारिक यूके उपभोक्ता मूल्य सूचकांक ९सीपीआई० का अनुसार किराना सामानको मूल्यहरू बढ्दै जाँदा प्रशोधित र प्याकेज गरिएको खाना भन्दा ताजा खानाको मूल्य निकै बढेको छ ।
खाद्य पदार्थहरुको मूल्य बढ्दै जाँदा मानिसहरुले ताजा महँगो भन्दा प्याकेज गरिएका सस्ता खानाहरु किन्न थालेका हुन् । ब्रिक्जिट, कोभिड १९ को महामारी, युक्रेनयुद्ध र पछिल्लो समय प्रधानमन्त्रीहरुको फेरबदललगायतले बेलायतको अर्थतन्त्रलाई धक्का दिएको छ ।
