धेरै मानिसहरूले आफ्नो हातमा पैसा नै टिक्दैन भनी आफैलाई दोषी देखाइरहेका हुन्छन् । यदि कमएको केही हातमा पैसा अडिएन अथवा भनौँ बचत गर्न सकिनए भने भविष्यका लागि कुनै प्लान गर्न सकिँदैन ।
पैसा बचत गर्नु भनेका एक किसिमको कला हो । यो कला सबैसँग नहुन सक्छ । यदि पैसा पाएपछि खर्च गरिहाल्ने खराब वाणी तपाईंसँग छ भने त्यसलाई हटाई केही पैसा बचत गर्न सक्ने केही तरिकाहरू छन् ।
– सबैभन्दा पहिला लक्ष्य निर्धारण गर्नुहोस् । आफूले लिएको लक्ष्य पूरा गर्न प्रयास गर्नुभयो भने बारम्बार हुने खर्चमा नियन्त्रण हुन सक्छ । तपाईंलाई गाडी किन्नु छ, घर बनाउनु छ या बिहे गर्नुछ भने यी कुराहरू लेख्नुस् र त्यसको लागि कति रकम बचत गर्नुपर्ने त्यो पनि लेख्नुहोस् । जसले गर्दा कुनै खर्च गर्नुभन्दा अगाडि आफूले राखेका लक्ष्यहरू भएपछि वचत गर्न सजिलो हुन्छ ।
– खर्च गर्न क्रेडिट कार्डमाथि निर्भर रहनु भनेको वचत हुन कठिनाइ हुनु हो । क्रेडिट कार्ड प्रयोग गर्नुपरेमा त्यतिमात्र खर्च गर्नुपर्छ जति आफ्नो बैंक एकाउन्टमा पहिल्यैदेखि वचत छ । एक महिनामा जति तिर्न सकिन्छ त्यति मात्र क्रेडिट कार्डबाट खर्च गर्नुपर्छ ।
– यदि कहीँ कतैबाट ऋण लिएको छ भने त्यसलाई छिटै तिर्ने कोशिस गर्नुपर्छ । कतैबाट पैसाको जोहो गरेर घर या गाडी किन्न खोज्नुभएको छ भने त्यसलाई रोकेर आफ्नो ऋण तिर्नतिर लाग्नुहोस् । आफूमाथि कुनै पनि किसिमको ऋण राख्नु हुँदैन ।
– हामीले आफ्नो लागि बचतको सँगसँगै आपतकालीन कोष बनाउनुपर्छ । यसो गरियो भने कुनै अप्ठेरो परिस्थितिमा त्यो पैसा प्रयोग गर्न सकिन्छ । इमर्जेन्सी फण्ड भएपछि ऋण लिन आवश्यक नपर्न सक्छ ।
