काठमाडौ । बेलायती प्रधानमन्त्री लिज ट्रसले आफ्नो कर घटाउने आर्थिक एजेन्डा त्यागेपछि पहिलो पटक बुधवार संसद्मा सांसदहरूलाई सम्बोधन गर्ने तयारी गरेकी छिन् ।
छोटो समयमा नै लोकप्रियता घटिरहेका बेला उनले सांसदहरूलाई सम्बोधन गर्ने तयारी गरेकी हुन् । नयाँ वित्तमन्त्री जेरेमी हन्टले आफ्नो प्रमुख कर योजनाहरू खण्डित गरेको ४८ घण्टा नबित्दै ट्रसले टोरी र विपक्षी सांसदहरूबाट हाउस अफ कमन्समा प्रतिकूल प्रश्नहरूको सामना गर्नुपर्नेछ ।
संकटग्रस्त ट्रसले पहिले नै कम्तिमा पाँच कन्जरभेटिभ सहकर्मीहरूले आफूलाई प्रतिस्थापनको लागि आह्वान गरेको देखेकी छिन् । सर्वेक्षणले उनको व्यक्तिगत र पार्टी मुल्यांकन नाटकीय रूपमा झरेको देखाउँछ ।
युगोभले मंगलबार भनेको छ कि सत्तामा पुगेको ६ हप्ताभित्र उनी अहिलेसम्म ट्र्याक गरेको सबैभन्दा अलोकप्रिय नेता हुन् । टोरी नेता र प्रधानमन्त्रीमा निर्वाचित भएको दुई महिना नबित्दै बहुमतले अब उनी जानुपर्छ भन्ने सोच राखेको प्राप्त विवरणहरूमा जनाइएको छ ।
