काठमाडौं । धरान उपमहानगरपालिकाका मेयर हर्क साङपाङले कार्यलयको आधिकारीक लेटरबाट कोशी प्रदेशको नाम हटाएका छन् । मेयर साङपाङले बुधबार गर्मीका कारण धरानका सामुदायिक तथा संस्थागत विधालयहरुलाई दिएको विदाको समय थप गर्न विधालयहरुलाई निर्देशन दिएको लेटरमा कोशी प्रदेशको नाम हटाएर प्रदेश न। १ कायम गरेका छन् ।
धरान उपमहानगरपालिकाले अधिक गर्मीका कारण पठनपाठनमा समस्या देखापरेपछि जेष्ठ १८ गते देखि २४ गते सम्मका लागि विधालयहरुलाई पठनपाठन नगराउन आदेश दिएकोमा मेयर साङपाङले बुधबार एक विज्ञप्ती जारी गर्दै आगामी जेष्ठ २५र२६ गने सम्म हिँउदे र वर्षे विदा मिलान गर्ने गरि सम्पुर्ण विधालयहरुलाई विदा मिलाउन निर्देशन गरेका छन् ।
धरान उपमहानगरपालिकाका मेयर साङपाङले पहिचानवादीहरुको नारालाई अघि बढाउन कोशी प्र्रदेशको नाम आफ्नो कार्यलयबाट हटाएर धरानवासीलाई मलजल लगाएको जस्तो देखिएको छ । कोशी प्रदेशमा विगत लामोसमयदखि पहिचानवादी पक्षधरले कोशी प्रदेशको नाम परिवर्तन गर्न माग गर्दै आन्दोलन जारी राखेपछि कोशी प्रदेश सरकारले आन्दोलनरत पक्षलाई वार्ता समाधानका लागि वार्तामा बोलाएको थियो । त्यो संगै कोशी प्रदेश सरकारलले बुधबार कोशी प्रदेश नामाकरणको विरोधमा आन्दोलनरत पहिचान पक्षधरसँग वार्ताका लागि प्रदेश सरकारले समिति गठन गरेको छ ।
