काठमाडौं । विगत केही दिनदेखि बढिरहेको गर्मीका कारण जनकपुरधामसहित तराई मधेशको जनजीवन कष्टकर बनेको छ ।
पानी नपर्दा गर्मी अत्यधिक बढेपछि जनजीवन प्रभावित भएको हो । जनकपुरधामसहित तराई(मधेशका अधिकांश जिल्लामा एक सातादेखि मध्याह्नको अधिकतम तापक्रम ३८ देखि ४२ डिग्री सेल्सियस पुग्न थालेको छ । अत्यधिक गर्मी र चर्को घामका कारण लु लाग्ने खतरा रहेकाले अत्यावश्यक काम नपरी घरबाट ननिस्कन र निस्किनै परेमा छाता अनिवार्य लिएर जान चिकित्सकहरूको सुझाव छ ।
त्यसैगरी अत्यधिक गर्मीका कारण पश्चिम नेपालको बाँके, बर्दियालगायत जिल्लामा पनि जनजीवन प्रभावित भएको छ ।
