काठमाडौं । आर्थिक वर्ष २०७९\८० को कुल गार्हस्थ्य उत्पादनमा कृषि क्षेत्र (कृषि, वन तथा मत्स्यपालन) को योगदान २४.१ प्रतिशत रहने अनुमान रहेको छ ।
आइतबार अर्थमन्त्ती डा। प्रकाशशरण महतले सार्वजनिक गरेको आर्थिक सर्वेक्षणमा उल्लेख गरेअनुसार गत आर्थिक वर्षमा यस्तो योगदान २४.७ प्रतिशत रहेको थियो।
आर्थिक वर्ष २०७८/७९ मा कृषि, वन तथा मत्स्यपालन क्षेत्रको मुल मूल्य अभिवृद्धि २.२ प्रतिशतले वृद्धि भएकोमा चालु आर्थिक वर्षमा यस्तो वृद्धिदर २.७ प्रतिशत रहने अनुमान छ । धान लगायतका वर्षे बालीको उत्पादनमा वृद्धि भएता पनि हिउँदे बालीको साथै दूध,अण्डा तथा मासुको उत्पादनमा केही हास भएको हुँदा यस क्षेत्रको कुल मूल्य अभिवृद्धि सामान्य वृद्धि हुने अनुमान गरिएको छ ।
