बैंकक । थाइल्याण्डको आम निर्वाचनपछि मत गणनामा विपक्षी दलहरू अगाडि छन् । नतिजाबाट जनताले सेनाको समर्थनमा रहेको सरकारविरुद्धमा मतदान गरेको देखिन्छ ।
विपक्षी दलहरू मुभ फर्वार्ड र फिउ थाइले प्रधानमन्त्री प्रयुत चान–ओचाको पार्टीलाई पछि पारिरहेका छन्। नतिजाको प्रारम्भिक रुझानपछि दुवै विपक्षी दल गठबन्धनका लागि वार्ताको तयारीमा रहेको देखिन्छन् ।
थाइल्याण्डमा यो निर्वाचनलाई देशको राजनीतिको ‘टर्निङ प्वाइन्ट’ भनिएको छ । हालैका वर्षहरूमा देशमा सैन्य विद्रोहहरू देखिएका छन् । सन् २०१४ मा प्रधानमन्त्री आफैले सैनिक विद्रोहको नेतृत्व गरेका थिए । तर अहिले उनलाई मुभ फर्वार्ड र फिउ थाइजस्ता पार्टीबाट कडा चुनौती मिलेको छ ।
दुवै दलले सैनिक शासनको विरोध गर्दै आएका छन् । द मूभ फर्वार्ड पार्टीको नेतृत्व गरिरहेका पिता लिम जरोनार्त प्रविधि क्षेत्रका पूर्व अधिकारी हुन् । जबकी फिउ थाई पार्टीको नेतृत्व पातोङटार्न सिनावात्राले गरिरहेकी छन् । उनी पूर्व प्रधानमन्त्री थाक्सिन सिनावात्राकी छोरी हुन् ।
