काठमाडौं । काठमाडौं उपत्यकामा आजदेखि दुई साताका लागि मेलम्चीको पानी वितरण बन्द गरिएको छ ।
आयोजनाको मर्मत सम्भारका लागि पानी बन्द गरिएको हो ।
मेलम्ची खानेपानी आयोजनाका सिनियर डिभिजनल इन्जिनियर पदमबहादुर कुँवरका अनुसार हेलम्बु–१ स्थित आयोजनाको गेट नम्बर–९ मा रहेको मुहान तथा हेडवक्र्समा सिलिण्डर र गेट नम्बर १ मा जालीसहितका उपकरणहरु राखेर मर्मतसम्भार गर्नुपर्ने अवस्था सिर्जना भएकाले दुई हप्ताका लागि पानी वितरण बन्द गरिएको हो ।
वषायाम सुरु भएलगतै सो योजनामा बाढीपहिरोका कारण आयोजनास्रोतमा हुुँदै आइरहेको क्षती न्यनीकरणगरी वर्षायाममा पनि निरन्तर पानी प्रसारण गर्ने उदेश्यले दई हप्ता पानी बन्द गरेर काम गर्ने योजना रहेको उनले बताए ।
मेलम्चीको पानी पहिलोपटक २०७७ फागुन २२ गते सुन्दरीजलमा ल्याइयो । सोही वर्षको चैत १५ देखि परीक्षण स्वरुप पानी वितरण बन्द भयो । तर २०७८ असार १ मा मेलम्चीमा आएको बाढीले आयोजनास्थलमा ठूलो क्षति पुर्याएपछि पानी वितरण बन्द अवस्थामा पुग्यो । तर मुख्य सुरुङ सुरक्षित रहेकाले ढुंगा माटो पन्छाएर २०७८ चैत अन्तिमतिर पुनः पानी वितरण गरियो ।
