टन्सिलले धेरै मानिसलाई सताउने गरेको छ । मौसममा आउने परिवर्तन, चिसो तातो खाना आदिका कारण टन्सिल हुने गर्छ । टन्सिल भएसँगै खान र पिउन निकै समस्या हुन जान्छ । यदि वर्षमा एकपटक टन्सिल हुन्छ भने त यो सामान्य सामस्या हो तर यसभन्दा धेरै भएमा यो खतरनाक हुन्छ ।
हाम्रो जिब्रोको ठीक पछाडि बदाम आकारका दुईवटा छोटा छोटा अङ्ग हुन्छन् । यी मुखबाट गलासम्म पुग्ने दुई अङ्गलाई नै टन्सिल भनिन्छ । यी अङ्ग शरीरको रोग प्रतिरोधक क्षमतालाई बढाउने कार्य गर्छन् तर शरीरलाई बचाउने प्रक्रियामा कयौं पटक स्वयं नै बिरामी हुन्छ । संक्रमण या कुनै अन्य कारणबाट टन्सिलमा पीडा हुन्छ । कहिले काहीँ त यो यति बढ्छ कि खान पिउनसमेत समस्या हुन्छ । तसर्थ यहाँ टन्सिलको घरायसी उपचारको बारे जानकारी दिने प्रयास गरिएको छ—
घरायसी उपचार
– नुनमा एन्टी बायोटिक गुण हुन्छ । यसका लागि हरेक दिन मनतातो पानीमा हल्का नुन हालेर मुख कुल्ला गर्दा टन्सिलमा निकै लाभ हुन्छ । अझ नुनमा थोरै बेकिंग पाउडर राखेर कुल्ला गर्दा थप फाइदा हुन्छ ।
– ननअल्कोहलिक माउथवास पानीमा राखेर मुख कुल्ला गर्दा टन्सिलको समस्याबाट आराम मिल्छ ।
– चूक अमिलोमा पनि एन्टी ब्याक्टिरियल गुण हुने हुँदा चूक अमिलो पानीमा मिलाएर कुल्ला गर्दा टन्सिलको समस्याबाट आराम दिन दिन्छ ।
– मनतातो पानीमा थोरै बेसार मिसाएर कुला गर्दा टन्सिल निको पार्न फाइदा हुन्छ । राति सुत्नुभन्दा पहिला एक गिलास तातो दूधमा थोरै बेसार र मरिच पाउडर मिसाएर पिउनाले पनि राहत मिल्छ ।
– टन्सिलबाट आराम पानी, सूप, जूस तथा चिया, कफी वा रक्सी बाहेकका अन्य पेय पर्दाथको प्रयोग बढी गर्नु आवश्यक छ । पानी पिउँदा गला चिसो रहन्छ ।
– टन्सिल भएको खण्डमा लसुन या ल्वाङ चुस्दा धेरै फाइदा हुन्छ । यसका अलवा उम्लिएको पानीमा ४–५ पोटी लसुन राखेर उमाल्ने र छानेर यसले मुख कुल्ला गर्ने जसले टन्सिललाई कम गर्न फाइदा पुग्छ ।
