काठमाडौं – हवाई यात्रालाई सबैभन्दा सुरक्षित मानिन्छ तर बेला बेलामा हुने गरेका दुर्घटनाले हवाई यात्रा गर्ने कि नगर्ने भन्नेमा पुर्याएको छ । पछिल्लो समय नेपालमा आन्तरिक हवाई दुर्घटनाको क्रम बढ्दो छ । सन् २०१२ यता नेपालमा वर्षेनि जस्तो हवाई दुर्घटना भएको तथ्याङक छ ।
सन् २०१२ मा जोमसोम, डोल्पा र भक्तपुर गरि तिन ठाउँमा दुर्घटना भयो । जसमा ३४ जनाले ज्यान गुमाए । सन् २०१३मा जोमसोम र सिमिकोट गरि २ ठाउँमा विमान दुर्घटना भए तर मानवीय क्षति भएन । सन् २०१४ मा अर्घाखाचीँमा दुर्घटना हुदाँ १८ जनाको ज्यान गयो । सन् २०१६ म्याग्दी, सिमिकोट र कालिकोट गरि तिन ठाउँमा भएको दुर्घटनामा परि २५ जनाले ज्यान गयो ।
२०१७ मा लुक्ला र सिमिकोटमा भएको दुर्घटनामा २ जनाको ज्यान गयो । २०१८मा फेरि सिमिकोटमा भएको दुर्घटनामा २ जनाको ज्यान गयो । सनु २०१९मा लुक्लामा भएको दुर्घटनामा परि ३ जनाको मृत्यु भयो । सन् २०२०मा नेपालगञ्जमा दुर्घटना भयो तर मानवीय क्षति भएन । सन् २०२२मा मुस्ताङमा भएको दुर्घटनामा २२ जनाको ज्यान गयो ।
सन् २०२३ को प्रारम्भमै पोखरामा भएको दुर्घटनामा परि ७२ जनाको ज्यान गयो । केहि समय अघि तिन हेलिकप्टर तिन ठाउँमा दुर्घटना भए । त्यस्तै, सोमबार पनि श्री एअरलाइन्स रनवे मै अड्कियो जसकारण यति एअरलाइन्स अवतरण गर्न नपाएर काठमाडौँ नै फर्कनु पर्यो । यस्तो घटनाहरु भईरहदाँ विमान चालकहरु सजक नभएको हवाईविद् अच्युत पहाडीको आँकलन छ ।
वायुसेवा, हवाई प्रशिक्षण, वायुसेवा मर्मत, सम्भार लगायतको जिम्मा पाएको नेपाल नागरिक उड्डयन प्राधिकरणले अन्र्तराष्ट्रिय मापदण्ड अनुसार नियमहरु लागु गरेको जनाएको छ । जसअनुरुप विमानहरु उडान हुने समयमा दैनिक चेक जाचँ हुने गर्छ । यद्यपी, दुर्घटना किन हुन्छ भन्नेमा प्रधिकरण आफैँ चिन्तित देखिन्छ ।
पटक पटक हुने हवाई दुर्घटनाले वायुसेवा नै असुरक्षित त होइन भन्ने प्रश्न उठेको छ । यसरी हवाई दुर्घटना बढ्दै जादाँ नागरिक उड्डयन प्राधिकरणले कस्तो कदम चाल्ला त्यो भने हेर्न बाकीँ नै छ ।
