पोखरा, २५ वैशाख । गण्डकी प्रदेश सरकारका प्रवक्ता एवं बिना विभागीय मन्त्री सरस्वती अर्यालले समाचार सम्प्रेषण गर्दा राष्ट्र हितको दायित्वलाई आम संचारकर्मीले भूल्न नहुने कुरामा जोड दिनुभएको छ । गोरखापत्र प्रशाशनको १२३ औं वर्ष प्रवेश तथा संस्थानको ६१औं वार्षिकोत्सवको अवससरमा संस्थानको प्रदेश स्तरीय कार्यालय पोखराद्धारा सोमबार यहाँ आयोजित ‘नेपाली पत्रकारितामा गोरखापत्र’ विषयक अन्तरक्रिया कार्यक्रममा उहाँले उक्त कुरा जोड दिनुभएको हो । ‘राष्ट्रघातको पक्षमा पत्रकारिता ग¥यौ भने त्यसले हामी सबैलाई सिध्याउछ, उहाँले भन्न्ुभयो– समाजमा भएका विकृति र विसंगती विरुद्ध कलम चलाउँदा एकपक्षीय नभई सन्तुलित रुपमा देखियौं भने गल्ती गर्ने व्यक्तिले समेत सुध्रिने मौका पाउँछ । ’
पत्रकारिता रामवाण हो, गलत सूचना दियौं भने कुनै पनि व्यक्तिको जीवन नै समाप्त हुन्छ,त्यसप्रति सजग र सचेत हुदै जिम्मेवार पत्रकारितत गर्न उहाँले सुझाव दिनुभयो । अझैपनि जिम्मेवार पत्रकारिताको विकास हुन नसकेको प्रति चिन्ता व्यक्त गर्दा आफूले लेख्ने समाचारप्रति एक पटक सोचेर मात्र प्रकाशन तथा प्रसारण गर्न आग्रह समेत गर्नुभयो । गलत समाचारकै कारण कति व्यक्तिको जीवन नै समाप्त भएका घटना समाजमा रहेकोले पत्रकारिताको दायित्व नभुल्न र भरखरै पत्रकारिताको क्षेत्रमा लागेका संचारकर्मीलाई समेत पत्रकार आचार संहिताको बारेमा जानकारी गराएर अगाडि वढाउन समेत उहाँले आग्रह गर्नुभयो । गण्डकी प्रदेश सरकारले प्रदेश संचार विधयक पाँच वर्ष वितिसक्दा समेत ल्याउन नसक्नु लज्जास्पद भएको बताउँदै ्गण्डकी मन्त्रिपरिषद्ले पूर्णता पाएपछि संचार विधयक निर्माणमा आफ्रनो पहलकदमी रहने प्रतिवद्धता समेत उहाँले व्यक्त गर्नुभयो ।
वरिष्ठ पत्रकार नारायण कार्कीले लामो इतिहास बोकेको गोरखापत्र संस्थानले समयसापेक्ष आफूलाई प्रतिस्पर्धी र जनचासोका विषयलाई समाचार बनाइनु पर्नेमा जोड दिनुभयो । साथै उहाँले सरकारले मिडिया संचालन गर्न नहुने बताउनुभयो । नेपाल पत्रकार महासंघका केन्द्रीय सदस्य सरिता तिमिल्सेनाले पछिल्लो समय समाचार ब्रेक गर्ने नाउँमा गलत समाचार सम्प्रेषण हुने गरेको पाइएकालेसंचारकर्मीले जिम्मेवार भएर सत्य तथ्य र विश्वसनीय समाचार पाठकसामु पस्कन सक्यौ भने मात्र जिम्मेवार पत्रकारिताको भूमिका निभाउन सकिने बताउनुभयो ।
पत्रकार महासंघ कास्कीका अध्यक्ष विमला भण्डारीले गोरखापत्र संस्थानले पछिल्लो समय अनलाइन पत्रकारिता सुरु गरेर आम नेपालीलाई छिटो छरितो सूचना प्राप्त गर्न सक्ने अवस्था सृजना गरेको प्रति खुसी व्यक्त गर्दै छापा माध्यमलाई पठनीय र गुयास्तरीयता प्रदान गर्ने कार्यमा लाग्न जोड दिनुभयो । नागरिक समाजका प्रतिनिधि रामबहादुर थापाले पत्रकारिता सार्वजनिक सम्पदा संरक्षण र भ्रष्टाचारको विरुद्ध हुनुपर्नेका जोड दिनुभयो । साथै उहाँले राजनीतिक समाचार भन्दा पनि दुरदराजका मानिसको आबाजलाई वाहिर ल्याउने काम गोरखापत्रले गर्नुपर्नेमा जोड दिनुभयो ।
पोखरा उद्योग वाणिज्य संघका वरिष्ठ उपाध्यक्ष गोकर्ण कार्कीले छापा माध्यमलाई टिकाइ राख्ने हो भने अव छापाका काम गर्ने संचारकर्मीले औपचारिक भन्दा पनि खोजी समाचारलाई प्राथामिकता दिन जरुरी भएको बताउनुभयो । गोरखापत्रले दिने समाचार सरकारमुखी हुने गरेको गुनासो आम पाठकबाट आउने गरेको बताउँदै सरकारी क्षेत्रबाट हुने गल्ती कमजोरी पनि समाचारको विषय बन्नुपर्नेमा उहाँको जोड थियो ।
पर्यटक व्यवसायी गणेशबहादुर भट्टराईले एकपक्षीय नभई सन्तुलित समाचार लेख्यौ भने पीडकले समेत गल्तीको महसुश गरेर सच्चिने अवसर प्राप्त हुने बताउनुभयो । सो अवसरमा पोखरा पर्यटन परिषद्का पोमनारायण श्रेष्ठ, प्राध्यापक वेदहरि शर्मा, कानून व्यवसायी सुरेन्द्र थापामगर लगायतले गोरखापत्रलाई समयसापेक्ष रुपमा अगाडि वढाउनुपर्नेमा जोड दिनुभएको थियो । उक्त कार्यक्रम संस्थानको गण्डकी प्रदेश कार्यालय पोखराका प्रमुख रमेश पौडेलको अध्यक्षतामा भएको थियो ।
