काठमाडौं : राष्ट्रिय क्रिकेट टोलीका पूर्व कप्तान सन्दीप लामिछानेलाई प्रहरीले बिहीबार काठमाडौंको त्रिभुवन अन्तर्राष्ट्रिय विमानस्थलबाट पक्राउ गरेको छ ।
बलात्कारको आरोप लागेका लामिछाने दोहाबाट विमानस्थलमा अवतरण गर्नेबित्तिकै पक्राउ परेका थिए । प्रहरीले उनलाई थप अनुसन्धानका लागि गौशाला प्रहरी वृत्तमा लगेको छ ।
लामिछानेविरुद्ध यसअघि एक नाबालिग बालिकाले जबरजस्ती करणी गरेको उजुरी दिएकी थिइन् ।
