घुँडा बिना तपाईंको जीवन कस्तो हुन्छ कल्पना गर्नुस् त ! हिँड्न दौडन भ¥याङ चढ्न साइकल चलाउन, गाडी चलाउन, बस्न खेल्न र यस्तै अन्य दैनिक क्रियाकलाप गर्न साह्रै अप्ठेरो पर्छ ।
लडेर वा दुर्घटनामा परेर घाउचोटको कारणले घुँडा दुख्न सक्छ । त्यस्तै बाथको रोगको कारणले पनि घुम्डा दुख्ने गर्दछ । दुखाईलाई कम गर्न केही घरेलु उपायहरु अपनाउन सकिन्छ—
घुँडा ज्यादै दुखेको अवस्थामा बरफलाई कपडामा बेरेर घुँडामा २० मिनेट सेक्नुपर्दछ । हरेक २ घण्टामा यो क्रिया जारी राख्नुपर्दछ ।
घुँडालाई हलचल गराउन नमिल्ने अवस्थामा चिकित्सकको सल्लाहअनुसार घुँडालाई अड्याएर राख्न सकिन्छ ।
दुखाइको अवस्थामा केही दिनसम्म घुँडालाई धक्का पर्ने कार्य जस्तै दौडने, उफ्रन, साइकल चलाउन आदि गर्नु हुँदैन । भ¥याङको साटो लिफ्ट वा स्केलेटर प्रयोग गर्नु जाती हुन्छ ।
लामो समयसम्म घुँडा खुम्च्याएर बस्दा पनि घुँडा दुख्ने हुँदा समय समयमा खुट्टा सोझो बनाउनुपर्दछ ।
सिधा उभिँदा वा हिँड्दा धेरै घुँडा खुम्च्याउँदा दुखाइमा लाभदायक हुन्छ । अलिकतिमात्र घुँडा खुम्च्याउनु पर्दछ जसले गर्दा उभिँदा वा हिँड्दा कुप्रिएको नदेखियोस् ।
दुखाईबाट छुट्कारा पाउन घुँडामा खुर्सानीको लेप लगाउन सकिन्छ । यसको लागि एक कप रक्सीमा ३–४ चम्चा धुलो खुर्सानी राखी रातभर भिजाउने र भोलिपल्ट दुखेको भागमा लेप लगाउनुपर्छ ।
दुखाई कम भएपछि व्यायाम, पौडी वा साइकल चलाउने कार्य बिस्तारै र थोरैबाट सुरु गर्नुपर्छ ।
घुँडा दुख्न नदिन घुँडा खुम्च्याउने वा दवाव पर्ने व्यायाम वा योग आसनहरुको अभ्यास गर्दै गर्नु फाइदाजनक हुन्छ ।
साभारः ‘एकसे एक उपचार’ पुस्तकबाट
