मिकी माउस र डोनाल्ड डकको रचयिता तथा डिज्नील्याण्डको संस्थापक वाल्ट डिज्नीले जीवनभरी संघर्ष गर्नुप¥यो । उनी आठपटकसम्म नर्वस ब्रेकडाउनको शिकार भए । एकपटक त उनले आत्महत्या गर्ने कोशिस पनि गरे । निकै कम शिक्षित वाल्ट डिजनीको सफलता यसै कुराबाट बुझ्न सकिन्छ कि फिल्म निर्माताको रुपमा उनलाई २६ एकेडेमी पुरस्कार मिल्यो ।
२६ वर्षको उमेरमा जब उनले आफ्नो पहिलो सफल कार्टुन ओसवाल्ड द राविट तयार गरे, तब डिस्ट्रिब्युटरले त्यसको चोरी गरे । २७ वर्षको उमेरमा उनी मिकी माउसका साथ फर्किए, तर आफ्नो कम्पनी बचाउनका लागि उनले आफ्नो कार बेच्नुप¥यो । २९ वर्षको उमेरमा एउटा डिस्ट्रिब्युटरले उनलाई दिनुपर्ने डेढ लाख डलर दिएन । ३१ वर्षको उमेरमा उनले रंगीन फिल्महरुमा लगानी गरे । लगभग टाट पल्टियो । द्वितीय विश्वयुद्ध हुँदा अमेरिकी नौसेनाले उनको स्टुडियो कब्जा ग¥यो ।
जब उनले क्यालिफोर्नियामा डिज्नील्याण्ड बनाउने फैसला गरे, तब बोर्ड अफ डाइरेक्टर्सले यस कामका निम्ति पूँजी दिन मानेनन् । उनका भाय रायँले त उनलाई योसम् मभने कि ‘वाल्ट, अब तिमी साँच्चै पागल भएका छौ । विशेषहरुले उनको खिल्ली उडाउँदै सार्वजनिक रुपले बयान दिए, यो मूर्खतापूर्ण कल्पना हो र यो योजना कुनै हालतमा पनि सफल हुनेछैन ।
तर डिज्नीले हार मानेनन् । उनले विशेषज्ञहरुको एउटा कुरा पनि सुनेनन् । डिज्नील्याण्ड बनाउनका लागि उनले आफ्नो घर तथा जीवन बिमाको पोलिसी बेचे । वाल्ट डिजनी अन्ततः सफल यसकारण भए, किनकि उनलाई स्वयंमा र आफ्नो सपनामा भरोसा थियो ।
साभारः ‘सफलता’ पुस्तकबाट
