पोखरा– १७ विरौटास्थित मेलमिलाप टोलमा आज दिउँसो ४५ वर्षीय एक व्यक्तिले आफ्नै घरमा आत्मदाह गरेका छन् । स्थानीय बासिन्दा समेत रहेका ४५ वर्षीय इन्द्रप्रसाद अर्यालले आफ्नै घरको दोश्रो तल्लास्थित कोठामा आत्मदाह गरेका हुन् ।
दिउँसो ३.३० बजे उनको घरको कोठामा प्रहरी पुँग्दा कोठा भित्रबाट चुकुल लगाइएको र शरीर जलेको अवस्थामा शव भेटिएको जानकारी वडा प्रहरी कार्यालय बैदामका डिएसपी वेद जोशीले दिए । ‘तीनतले घरको दोस्रो फ्याटमा उनले शरीरमा आगो लगाएर आत्मदाह गरेको देखिन्छ,’ डिएसपी जोशीले भने, ‘घरमा कोही हुनुहुँदो रहेनछ ।
श्रीमती जागिर र छोरी घरबाहिर रहेको अवस्थामा घटना भएको देखिन्छ ।’ अर्यालको कोठामा ग्यालिन भेटिएको प्रहरीले जनाएको छ । प्रहरीले घटनाको बारेमा अनुसन्धान शुरु गरिएको जनाएको छ ।
