हिमाली जिल्ला डोल्पामा ड्युटीमा खटिएका वरिष्ठ प्रहरी हवल्दार बेपत्ता भएका छन्।
इलाका प्रहरी कार्यालय काइगउँमा कार्यरत दैलेखको नौमुले गाउँपालिका घर भएका ४१ वर्षीय हवल्दार जोशिराम रेग्मी काईगउँ खोलामा खसेर बेपत्ता भएको जिल्ला प्रहरी कार्यालय डोल्पाले जनाएको छ।
मुड्केचुला गाउँपालिका वडा नं १ अन्तर्गत पर्ने भेरीकुना भन्ने ठाउँबाट बिहीबार साँझ पौने ६ बजेको समयमा बेपत्ता भएको र खोजीकार्य भइरहेको जिल्ला प्रहरी कार्यालय डोल्पाका प्रहरी नायव उपरीक्षक शिव बुढाथोकीले जानकारी दिए।
बेपत्ता जोशी नियमित गस्तीका लागि खटिएको र खोजतलास गर्दा उनले बोकेको झोला भेटिएको प्रहरीले जनाएको छ। प्रहरी नायव निरीक्षकको नेतृत्वमा प्रहरीको टोली घटनास्थल खटिएको बताइएको छ।
