राष्ट्रियसभाको शुक्रबार बसेको बैठकमा ‘विनियोजन विधेयक, २०८३’ सम्बन्धमा प्रतिनिधिसभाबाट प्राप्त सन्देश टेबुल गरिएको छ।
राष्ट्रियसभाका सचिव तुलबहादुर कँडेलले प्रतिनिधिसभाबाट प्राप्त उक्त सन्देश बैठकमा टेबुल गरेका हुन्।
बैठकमा राष्ट्रियसभा अध्यक्ष नारायणप्रसाद दाहालले राष्ट्रपति कार्यालयबाट प्राप्त विधेयक प्रमाणीकरणसम्बन्धी पत्रको व्यहोरासमेत सभालाई जानकारी गराए।
यसैबीच, बैठकले प्रतिनिधिसभाका पूर्वसदस्य तथा पूर्वमन्त्री राजेन्द्र खरेलको निधनप्रति गहिरो दुःख व्यक्त गर्दै शोक प्रस्ताव सर्वसम्मत रूपमा पारित गरेको छ।
राष्ट्रियसभाको अर्को बैठक असार १५ गते दिउँसो १२ः१५ बजे बस्ने तय गरिएको छ।
