काठमाडौं । गृहमन्त्री सुधन गुरुङमाथि उठिरहेका आर्थिक सम्बन्ध र सम्पत्ति विवरणसम्बन्धी आरोपहरू सत्य भएको पुष्टि भएमा तत्काल नैतिक जिम्मेवारी वहन गर्दै पदबाट राजीनामा दिनुपर्ने माग उठ्न थालेको छ। जनताले सरकारबाट स्वच्छ, पारदर्शी र सुशासनमुखी कार्यशैलीको अपेक्षा गरेका छन्।
सार्वजनिक पदमा बसेका व्यक्तिहरूले कानुनको पूर्ण पालना गर्नु अनिवार्य मानिन्छ। कानुन सबैका लागि समान रूपमा लागू हुनुपर्ने जनमत रहँदै आएको छ, चाहे त्यो सर्वसाधारण नागरिक होस् वा मन्त्री पदमा आसीन व्यक्ति।
यदि गृहमन्त्री निर्दोष र निष्पक्ष हुनुहुन्छ भने, सम्पूर्ण तथ्य र सम्पत्ति विवरण सार्वजनिक गर्दै जनतालाई स्पष्ट जवाफ दिनुपर्ने आवाज बलियो बन्दै गएको छ। तर आरोपहरूमा सत्यता भेटिएमा पदमा निरन्तर बसिरहनु सरकारको विश्वसनीयता र नैतिकतामाथि गम्भीर प्रश्न खडा हुने देखिन्छ।
जनताले नै तपाईंलाई यहाँसम्म ल्याएका हुन्। जनताको आवाजलाई बेवास्ता गर्न नसकिने विश्लेषकहरूको भनाइ छ। सुशासन, पारदर्शिता र कानुनी शासन लोकतन्त्रका आधारभूत स्तम्भ भएकाले सत्य तथ्य शीघ्र सार्वजनिक हुनुपर्ने माग सर्वत्र उठिरहेको छ।
