काठमाडौं । रवि लामिछाने ले सार्वजनिक रूपमा राजनीतिक नियुक्ति लिएका पदाधिकारीहरूलाई स्वेच्छिक राजीनामा दिन आह्वान गरिरहेका बेला, सरकारको पछिल्लो निर्णयले पूर्ण रूपमा विपरीत सन्देश दिएको छ। स्वास्थ्य तथा जनसंख्या मन्त्री निशा मेहता ले श्रम मन्त्री दीपक कुमार शाह की पत्नी जुनु श्रेष्ठलाई पुनः स्वास्थ्य बीमा बोर्डमा नियुक्त गरेपछि जनतामा आक्रोश बढेको छ।
अब प्रश्न छ — के यही हो नयाँ राजनीति ?
संसदमा उभिएर सुशासन, पारदर्शिता र योग्यता आधारित नियुक्तिको भाषण दिने, तर व्यवहारमा आफ्नै मान्छे नियुक्त गर्ने — यो पुरानै राजनीतिक रोग हो। जनताले परिवर्तन खोजिरहेका बेला, निर्णय भने उही पुरानै शैलीमा भइरहेको छ।
यतिबेला धेरैको प्रश्न एउटै छ — के बालेन्द्र शाह (बालेन) ले यस्तो निर्णय स्वीकार गर्छन्?
काठमाडौं महानगरमा उनले देखाएको कडाइ, नियम पालन र ‘नो कम्प्रोमाइज’ नीति यही हो भने, केन्द्र सरकार किन फरक बाटोमा?
“Gen Z आन्दोलन” ले देशभर नातावाद, पहुँचवाद र भागबन्डाको राजनीतिविरुद्ध आवाज उठाइरहेको छ। तर, यस्ता निर्णयले स्पष्ट सन्देश दिन्छ — प्रणाली अझै परिवर्तन भएको छैन।
जनता अब भाषण होइन, व्यवहार हेर्न चाहन्छन्। यदि नयाँ राजनीतिक शक्ति पनि पुरानै बाटोमा हिँड्ने हो भने, पुराना पार्टी र नयाँ पार्टीबीच फरक के रह्यो?
