काठमाडौं, नेपाल विश्वव्यापी रूपमा अन्धोपनको प्रमुख कारणहरूमध्ये एक मानिने जलविन्दु रोगबारे जनचेतना अभिवृद्धि गर्ने उद्देश्यले मनाइने विश्व जलविन्दु सचेतना सप्ताह तथा जलविन्दु दिवस २०२६ तिलगंगा आँखा प्रतिष्ठानले विभिन्न कार्यक्रमहरूका साथ मनाउँदै आएको छ ।
जलविन्दु आँखाको यस्तो रोग हो जसले बिस्तारै दृष्टिको नसा ९इउतष्अ ल्भचखभ० लाई क्षति पु¥याउँदै जान्छ र समयमै पहिचान तथा उपचार नभएमा जिवनभर अन्धोपनसमेत हुन सक्छ । यस रोगको सुरुवाती चरणमा विशेष लक्षण नदेखिने भएकाले नियमित आँखा परीक्षण अत्यन्त आवश्यक मानिन्छ ।
तिलगंगा आँखा प्रतिष्ठानको सन् २०२५को तथ्यांक अनुसार प्रतिष्ठानमा जलविन्दु सम्बन्धी सेवा लिन आएका बिरामीहरूको संख्या १५,२९४ रहेको थियो । उमेर समूह अनुसार तथ्याङ्क हेर्दा ०–१४ वर्ष उमेर समूहको संख्या ८४० रहेको थियो भने १५–५९ वर्ष उमेर समूहमा ८,३२० तथा ६० वर्ष वा सोभन्दा माथिको उमेर समूहमा ६,१२४ बिरामीले जलविन्दु सम्बन्धी सेवा लिएको देखिन्छ । जलविन्दु देखिएका र यसको उपचार गराएका बिरामीहरुको लिङ्गका आधारमा हेर्दा महिला तथा पुरुषको संख्या उस्तै–उस्तै छ ।
यस तथ्याङ्कले जलविन्दु सबै उमेर समूहका व्यक्तिमा देखिन सक्ने र विशेषगरी युवा तथा वृद्ध उमेर समूहमा यसको जोखिम बढी हुने तथ्यलाई उजागर गर्दछ ।
विश्व जलविन्दु सचेतना सप्ताह तथा जलविन्दु दिवस २०२६ को अवसरमा तिलगंगा आँखा प्रतिष्ठानले जनचेतनामूलक कार्यक्रम, बिरामीको अवस्था अनुसार निःशुल्क आँखा उपचार, परामर्श सेवा तथा संचार र सामाजिक सञ्जालमार्फत जानकारीमूलक सामग्री प्रसारण गर्ने कार्य गरिरहेको छ ।
प्रतिष्ठानले विशेषगरी ४० वर्षभन्दा माथिका व्यक्तिहरू, परिवारमा जलविन्दु भएको इतिहास भएका व्यक्तिहरू, मधुमेह तथा उच्च रक्तचाप भएका व्यक्तिहरूलाई नियमित आँखा परीक्षण गराउन जोड दिएकाो छ । समयमै पहिचान र उपचारले जलविन्दुबाट हुने दृष्टि क्षति रोक्न महत्वपूर्ण भूमिका खेल्ने भएकाले सबैलाई सचेत रहन अनुरोध गरिएको छ ।
