राशिफलः तपाईंको आजको दिन कस्तो रहनेछ ?
– ज्योतिष पण्डित सूर्यनाथ लुइटेल
मेषः दिन सामान्य छ । सम्पत्ति प्राप्त भए पनि इज्जतमा दाग लाग्नेछ । उपचारमा भए स्वास्थ्यमा सुधार हुनेछ । दक्षिणको लामो यात्रा नगर्नु राम्रो हुन्छ । रोजगारीका विकल्प स्वदेशमै भेटिने छन् । परिवारको साथ र सहयोग मिल्नेछ ।
वृषः तपाईंकै बोलीका कारण राम्रो काम बन्नेछ । आज तयार पारेका योजना दीर्घकालसम्म रहनेछन् । प्रेम सम्बन्ध सुमधुर बन्नेछ। अभिभावकको साथ लिएर अगाडि बढेमा अधुरा काम बन्नेछन् ।
मिथुनः गुम्न लागेको धन प्राप्त हुनेछ । शिक्षामा गरेको मिहिनेतको प्रतिफल प्राप्त हुनेछ । स्वास्थ्यमा गरेको मिहिनेत सफल बन्दा मन शान्त बन्नेछ । प्रेम सम्बन्ध सुमधुर बन्नेछ ।
कर्कटः शिक्षाको क्षेत्रमा सफलता प्राप्त हुनेछ । यात्रामा जोखिम भएकाले सचेत बन्नुपर्ने दिन छ । केही दान गरेर दिनको सुरुवात गरेमा राम्रो हुनेछ । संकटमा परिवारको साथ मिल्नेछ । प्रेम सम्बन्ध सुमधुर बन्ला ।
सिंहः एक्लो भएको महसुस हुनेछ । साथीसँग मनको कुरा भन्नु राम्रो हुन्छ । परिवारसँग सल्लाह गरेर सुरु गरेको काम सफल बन्नेछ। खानपानामा ख्याल नगर्दा स्वास्थ्यमा समस्या हुने जोखिम छ ।
कन्याः दिन सहज छ । कृषिको क्षेत्रबाट लाभ हुनेछ । समाजमा तपाईंको प्रस्ताव पारित हुने भएकाले सामूहिक निर्णय लिनु उचित हुन्छ । स्वास्थ्यमा सुधार हुनेछ । परिवारसँग बसेर रमाइलो गर्ने अवसर मिल्नेछ ।
तुलाः बोल्दा सचेत बन्नुपर्ने दिन छ । उपचारमा भए स्वास्थ्यमा सुधार हुनेछ । विपक्षी साथी सक्रिय भएकाले काम गर्दा सचेत बन्नुपर्नेछ । शिक्षाको क्षेत्रमा गरेको लगानीबाट नाफा हुनेछ ।
वृश्चिकः दिन सामान्य छ । सञ्चित धन खर्च हुनेछ । स्वास्थ्यले साथ दिए पनि मन अशान्त हुनेछ । परिवारको साथ र सहयोग प्राप्त हुनेछ । प्रेम सम्बन्ध सुमधुर होला ।
धनुः नसोचेको अवसर प्राप्त हुनेछ । पश्चिमको लामो यात्रा नगर्नु उचित हुनेछ । शनिदेवको प्रभावले मनमा झन्झट आइपर्ने जोखिम छ । धार्मिक कार्यमा सहभागी भएर दिनको सुरुवात गर्नु उचित हुन्छ । शिक्षाको क्षेत्रमा भाग्यको उदय हुनेछ ।
मकरः शुभग्रहको बहुमत रहेकाले लगानी गरेको भए व्यापारमा फाइदा हुनेछ । साथीबाट साथ र सहयोग प्राप्त हुनेछ । शिक्षामा गरेको मिहिनेतको प्रतिफल राम्रो हुनेछ । दान गरेर दिनको सुरुवात गर्नु उचित हुनेछ ।
कुम्भः स्वास्थ्यमा सुधार हुनेछ । लगानीका क्षेत्रमा फाइदा मिल्ने योग छ । शिक्षामा अल्छीपनले घाटा हुनेछ । धार्मिक क्षेत्रको यात्रा तय हुनेछ । परिवारको सल्लाहमा गरेको कामबाट फाइदा हुनेछ ।
मीनः थोरै बोलेर काम गर्नु उचित हुनेछ । महत्त्वपूर्ण काम गर्नुपर्ने दिन छ । सहकर्मीसँग नम्र भएर प्रस्तुत हुनुपर्नेछ । स्वास्थ्यमा सुधार हुनेछ ।
