काठमाडौँ— हामीलाई कतिपय अवस्थामा कुनै काम गर्दा फोटोहरूलाई पोर्टेबल डकुमेन्ट फम्र्याट (पीडीएफ) मा राख्नुपर्ने हुन्छ ।
किनकि फोटोलाई पीडीएफमा परिवर्तन गर्नाले फोटोको कन्टेन्टलाई सजिलै पढ्न सकिन्छ भने पीडीएफ फाइलको ओरिजिनल क्वालिटीमा पनि कुनै हानि पुग्दैन ।
तर हामीलाई फोटोहरूलाई पीडीएफ बनाउन नआउन सक्छ ।
यस्तो अवस्थामा फोटोलाई सजिलै पीडीएफ फाइलमा कन्भर्ट गर्नका लागी हामीले तलका उपाय अपनाउन सक्छौँ ।
एन्ड्रोइड, आईफोन, विन्डोज डिभाइस मार्फत फोटोलाई सहज रूपमा पीडीएफ बनाउन सकिन्छ ।
एन्ड्रोइड डिभाइसमा हो भने पीडीएफमा परिवर्तन गर्न चाहेको फोटो छनोट गरिसकेपछि तीन भर्टिकल डट्स आइकनमा ट्याप गर्ने ।
मेन्यूको तलतर्फ रहेको प्रिन्टको विकल्पमा ट्याप गरी त्यसलाई सेलेक्ट गर्ने ।
त्यहाँ रहेको सेभ एस पीडीएफको अप्सनमा क्लिक गरी पीडीएफ डाउनलोड गरी चाहिएको स्थानमा सेभ गर्ने ।
यदी तपाई आईओएस चलाउनुहुन्छ भने फोटोलाई पीडीएफ बनाउनका लागि तलको उपायहरू अपनाउन सकिन्छ ।
आइओएसका लागि भने पीडीएफमा परिवर्तन गर्न चाहेको फोटो छनौट गरी सेयर बटनमा ट्याप गर्ने
त्यसपछि देखिने प्रिन्ट अप्सनमा ट्याप गर्ने बित्तिकै फोटो पीडीएफमा कन्भर्ट हुन्छ ।
विन्डोज पीसीमा पीडीएफमा कन्भर्ट गर्न चाहेमा फोटोलाई विन्डोजको पिक्चर एपमा खोल्ने अनि टपमा रहेको तीन डटको मेन्यूमा क्लिक गर्ने ।
त्यसपछि टपमा देखिने प्रिन्टरको अप्सनमा माइक्रोसफ्ट प्रिन्ट टू पीडीएफको विकल्प चयन गर्न सकिन्छ ।
त्यसपछि तल प्रिन्टको अप्सनमा ट्याप गरेपछि स्वतः फोटो पीडीएफमा कन्भर्ट हुन्छ र चाहिएको स्थानमा सेभ गर्नुपर्छ ।
